MWBR19 10 Laif ahn Minischri Meetin Werkbuk Risaach Infamayshan
AKTOABA 7-13
CHREZHAZ FAHN DI WERD A GAAD | JAMYZ 3-5
“Shoa Yu Ga di Wizdom Weh Kohn Fahn Gaad”
(Jaymz 3:17) Bot di fos ting bowt di wizdom weh kohn fahn Gaad, ih kleen kleen. Ih lov pees ahn ih kansidarayt; ih noa ih plays ahn ih ful a mersi ahn ih du kain tingz fi peepl. Ih chreet evribadi di sayhn way, ahn ih da fi reel.
cl-E 221-222 ¶9-10
Di “Wizdom Fahn Gaad” Di Shoa Playn-Wan Eena fi Yoo Laif?
9 “Di fos ting bowt di wizdom fahn Gaad, Ih kleen kleen.” Fi bee kleen yu need fi bee pyoar noh onli pahn di owtsaid bot pahn di eensaid tu. Dis meenz dat da noh onli how wi ak bot how wi tink ahn feel. Di Baibl seh dat wizdom ga sohnting fi du wid di haat, bot wizdom weh kohn fahn Gaad kyaahn enta eena sohnbadi haat if ih ful op a wikidnis ahn doti dizaiyaz. (Proverbs 2:10; Machyu 15:19, 20) If wi haat kleen—eevn doa wi imperfek—wi wahn chrai wi bes fi “ton weh fahn weh bad ahn du weh gud.” (Psalm 37:27; Proverbs 3:7) Soh wi ku si wai ih mek sens dat di fos ting di skripcha menshan bowt wizdom da dat di waiz persn need fi bee spirichwali kleen. Aftaraal, if wi haat noh spirichwali kleen, den da how wi wahn ku shoa di ada kwalitiz weh kohn fahn Gaad?
10 “Ih Lov Pees.” Wizdom fahn Gaad mek wi werk haad fi liv eena pees wid peepl, ahn pees da wahn kwaliti fahn Gaad hoali spirit. (Galayshanz 5:22) Wi chrai wi bes fi noh brok di “pees” weh yoonait Gaad peepl. (Ifeezhanz 4:3) Ahn wi aalso shuda chrai du wateva wi kud fi mek pees wen prablemz kom op. Wai dis impoatant? Di Baibl seh: ‘Ah waahn tel unu . . . fi liv eena pees. Ahn di Gaad a lov ahn pees wahn deh wid unu.ʼ (2 Korintyanz 13:11) Soh az lang az wi chrai liv eena pees, di Gaad a lov ahn pees wahn deh wid wi. Di way wi chreet wan anada, dairekli afek wi rilayshanship wid Jehoava. Da how wee ku shoa dat wi waahn liv eena pees? Kansida wahn egzampl.
(Jaymz 3:17) Bot di fos ting bowt di wizdom weh kohn fahn Gaad, ih kleen kleen. Ih lov pees ahn ih kansidarayt; ih noa ih plays ahn ih ful a mersi ahn ih du kain tingz fi peepl. Ih chreet evribadi di sayhn way, ahn ih da fi reel.
cl-E 223-224 ¶12
Di “Wizdom Fahn Gaad” Di Shoa Playn-Wan Eena fi Yoo Laif?
12 “Ih Kansidarayt.” Weh ih meen fi bee kansidarayt? Akaadn tu sohn raita, di orijinal Greek werd fi “kansidarayt” weh deh eena Jaymz 3:17 haad fi chranslayt. Sohn peepl chranslayt it ahn yooz werdz laik “jentl,” “payshent,” ahn “reeznabl.” Wahn futnoat eena di New World Translation seh dat di literal meenin da fi “giv een.” Da how wee ku shoa dis kwaliti weh da paat a di wizdom fahn Gaad eena wi laif?
cl-E 224-225 ¶14-15
Di “Wizdom Fahn Gaad” Di Shoa Playn-Wan Eena fi Yoo Laif?
14 “Ih redi fi obay.” Di Greek werd weh chranslayt “redi fi obay” noh deh eena di Kristyan Greek Skripchaz. Wan raita seh dat dis werd “aafn geh yooz fi diskraib di chraynin weh di soalja dehn geh fi mek dehn bee obeedyant.” Ih gi di aidyaa a sombadi weh “eezi fi kanvins” ahn weh “obeedyant.” Sohnbadi weh mek di wizdom weh kohn fahn Gaad gaid dehn laif, wahn aalwayz obay weh di Skripchaz seh. Ih da noh sombadi weh wans ih mek op ih main, ih rijek eni ada infamayshan eevn if ih proov ahn rang. Raada, ih kwik fi mek eni nesiseri chaynjiz eena ih laif wans ih geh fi andastan fahn di Skripchaz dat maybi sohnting mi rang wid di way how ih mi-di tink er du tingz. Adaz noa wee fi bee laik dat?
“Ful a Mersi ahn Gud Froots”
15 “Ful a Mersi ahn Gud Froots.” Fi ga mersi da wahn impoatant paat a di wizdom weh kohn fahn Gaad, bikaaz dis wizdom “ful a mersi.” Noatis dat “mersi” ahn “gud froots” geh menshan tugeda. Dis mek sens, kaaz eena di Baibl, mersi naamali di rifaa tu wen sohnbadi kyaa ahn kansaan fi adaz. Ahn ih rifaa tu wen wahn persn ga kompashan fi adaz ahn du wahn lata gud tingz fi dehn. Wan refrens werk seh dat fi ga mersi da fi “feel sad bowt wahn persn bad sichuwayshan ahn fi chrai du sohnting bowt it.” If sombadi ga di wizdom weh kohn fahn Gaad den dehn noh wahn onli ga nalij bot dehn wahn aalso bee lovin, kain, ahn jentl. How wi ku shoa dat wi ful op a mersi?
(Jaymz 3:17) Bot di fos ting bowt di wizdom weh kohn fahn Gaad, ih kleen kleen. Ih lov pees ahn ih kansidarayt; ih noa ih plays ahn ih ful a mersi ahn ih du kain tingz fi peepl. Ih chreet evribadi di sayhn way, ahn ih da fi reel.
cl-E 226-227 ¶18-19
Di “Wizdom Fahn Gaad” Di Shoa Playn-Wan Eena fi Yoo Laif?
18 “Chreet evribadi di sayhn way.” Di wizdom weh kohn fahn Gaad noh ga notn fi du wid eni kaina prejudis er praid fi wahn konchri. Gaad wizdom biga dahn aala dat. If wi mek dis wizdom gaid wi laif wi wahn root owt eni kaina prejudis er fayvritizm weh deh eena wi haat. (Jaymz 2:9) Wi noh shoa fayvritizm tu adaz bikaaz a di kaina ejukayshan dehn gat, humoch moni dehn gat er di privilij dehn ga eena di kangrigayshan; wi noh luk dong pahn wi bradaz ahn sistaz, noh mata how hombl dehn sichuwayshan. If Jehoava shoa fi hihn lov tu dehn, den wi fi shoa fi wee lov tu dehn tu.
19 “Ih reel.” Di Greek werd fi “hipokrit” kud rifaa tu “wahn persn weh di ak eena wahn play.” Eena aynshent Greek ahn Roaman taimz, di akta dehn mi put aan sohn big maas wen dehn mi-di pafaam. Soh, di Greek werd fi “hipokrit” ku meen fi put aan wahn shoa er fi priten. Bot wee fi shoa reel lov tu wi bradaz ahn sistaz. Dis kwaliti shuda afek how wi chreet wan anada ahn how wi feel bowt dehn.
Saach fi Spirichwal Chrezhaz
(Jaymz 4:5) Unu tink seh dat di Skripcha noh meen notn wen ih seh, “Di spirit weh Gaad put eena wi oanli jelos bad?”
w08-E 11/15 20 ¶6
Sohn Mayn Points Fahn Jaymz ahn Peeta Leta Dehn
4:5—Da weh Skripcha Jaymz mi-di rifaa tu? Jaymz neva mi-di koat wahn spesifik Baibl vers. Stilyet, dehnya werdz fahn Gaad praabli mi bays pan di jenaral aidyaa bihain skripchaz laik Genesis 6:5; 8:21; Proverbs 21:10; ahn Galayshanz 5:17.
(Jaymz 4:11, 12) Mi bradaz ahn sistaz, unu mosn slanda wan anada. Kaa wen unu di taak bowt wan anada, er joj wan anada, unu di taak gens di Laa a Gaad ahn unu di joj it. If unu di joj di Laa, den unu noh reeli di kip it, ahn unu di mek unuself di joj. 12 Oanli wan persn deh weh mek di Laa, ahn hihn da di chroo chroo Joj. Hihn da di Wan weh ku sayv unu er dischrai unu. Soh da hoo unu soh fi joj unu nayba?
w97-E 11/15 20-21 ¶8
Wen Wi Ga Fayt Ih Mek Wi Payshent ahn Pray Aal di Taim
8 Da wahn sin fi taak gens wi bradaz ahn sistaz. (Jaymz 4:11, 12) Stilyet sohn bradaz ahn sistaz joj wan anada, maybi bikaaz dehn tink dehn beta dan ada peepl ahn dehn bring dong adaz fi mek dehnself feel beta. (Psalm 50:20; Proverbs 3:29) Di Greek werd weh dehn yooz fi ‘slandaʼ meen fi ga bitanis tuwaadz sohnbadi. Ih gi di aidyaa dat da persn di mek op lai ahn stoari bowt sohnbadi. Ahn dis meen wi di joj wi brada er sista eena wahn negitiv way. Soh wen wi “taak bowt wan anada”, da how wi di “taak gens di Laa a Gaad” ahn “di joj it?” Wel, di teechaz a di Laa ahn di Farisee dehn ‘neva pay main tu di koman dehn weh Gaad mi gi dehnʼ bot dehn mi-di joj peepl bai fi dehn oan standadz. (Maak 7:1-13) Jos laik dat, if wi kandem wi felo bradaz weh Jehoava noh kandem, den wee wuda di joj ‘Gaad Laaʼ ahn seh dat di Laa noh karek, no chroo? Ahn soh if wi di taak gens wi brada er wi sista, den wi noh di du weh di Laa tel wi fi du weh da fi lov wan anada.—Roamanz 13:8-10.
Baibl Reedin
(Jaymz 3:1-18) Mi bradaz ahn sistaz, wahn lata unu shudn chrai fi bee teecha, kaa unu noa dat Gaad wahn joj aala wi weh di teech haada dahn evribadi els. 2 Da chroo dat aala wi slip dong eena difrent kaina way evri now ahn agen. If enibadi ku kanchroal dehn tong, den dehn perfek, ahn dehn ku kanchroal di hoal a dehn badi. 3 Unu si how gud wi ku kanchroal wahn haas ahn mek ih obay wen wi put wahn bit eena ih mowt? 4 Er luk pahn wahn ship. Unu si how big ih big, ahn how schrang breez kehr ahn? Bot stilyet di kyaptin ku kanchroal it wid wahn lee, lee roda, ahn mek ih goh eniway weh hihn waahn. 5 Rait soh, di tong da wahn lee pees a wi badi, bot ih oanli bregin ahn boasi. Luk how wahn big bush faiya ku staat fahn wahn lee lee spaak. 6 Ahn di tong da wahn faiya tu. Ih deh rait deh monks di ada paats a di badi, bot ih ful op a wikidnis weh ku mes op di hoal a wahn persn ahn kaaz wahn blayz weh ku dischrai di hoal a dehn laif. Ih geh da faiya schrayt fahn hel. 7 Man taym aal kaina animal ahn berd ahn reptail ahn ting weh deh eena di see. 8 Bot nobadi kyaahn taym di tong. Da ting wikid bad, ahn ih ful op a paizn weh ku kil yu ded! 9 Wi yooz wi tong fi prayz wi Laad ahn Faada, ahn den wi ton rong ahn yooz di sayhn tong fi kos peepl weh Gaad mek laik fi hihn oanself. 10 Imajin, prayz ahn kosin di kom owta di sayhn mowt! Mi bradaz ahn sistaz, dis noh rait, yu noh! 11 Wat? Fresh waata ahn saalt waata ku kom owta di sayhn wel? 12 Mi bradaz ahn sistaz, wahn fig chree ku bayr aliv, er wahn grayp-vain ku bayr fig? Rait soh, wahn saalt waata wel kyaahn gi yu fresh waata. 13 Enibadi deh monks unu weh waiz ahn ga gud sens? Mek dehn shoa it bai di way dehn liv. Dehn mos smaat nof fi noh prayz op dehn oanself wen dehn du sohnting. 14 Bot if yu grojful ahn ga red aiy, ahn oanli kansaan bowt yuself, yu noh fi boas bowt it. Dat da noh di rait way. 15 Datdeh kaina “wizdom” noh kohn fahn Gaad. Ih kohn fahn disya werl ahn di devl. 16 Wentaim yu si peepl red aiy ahn oanli tink bowt dehn oanself, yu wahn fain kanfyoozhan ahn aal kaina wikidnis di goh aan. 17 Bot di fos ting bowt di wizdom weh kohn fahn Gaad, ih kleen kleen. Ih lov pees ahn ih kansidarayt; ih noa ih plays ahn ih ful a mersi ahn ih du kain tingz fi peepl. Ih chreet evribadi di sayhn way, ahn ih da fi reel. 18 Evribadi weh help mek pees monks ada peepl di plaant di seed a pees, ahn dehn wahn reep wahn lata gud tingz fahn dat.
AKTOABA 14-20
CHREZHAZ FAHN DI WERD A GAAD | 1 PEETA 1-2
“Unu fi Bee Hoali”
(1 Peeta 1:14, 15) Obay Gaad bikaaz yoo da ih pikni. Noh goh bak goh liv dehn oal eevl way weh yu mi yoostu. Dehndeh taim yu neva noa no beta. 15 Insteda dat, yu fi liv hoali eena evriting weh yu du, jos laik Gaad weh pik yu fi bee fi hihn pikni, bikaaz hihn hoali.
w17.02-E 9 ¶5
Di Ransom Sakrifais—Wahn “Perfek Gif” Fahn Jehoava
5 How wee ku shoa humoch wi lov Jehoava naym? Bai wi akshanz. Jehoava ekspek wi fi bee hoali. (Reed 1 Peeta 1:15, 16.) Dis meen dat wi wahn wership onli Jehoava an obay ahn wid aala wi haat. Eevn wen dehn persikyoot wi, wi du wi bes fi liv op tu ih Baibl prinsiplz ahn ih Laa dehn. If wi du weh rait, den wi wahn shain wi lait ahn bring aana tu Jehoava naym. (Mach. 5:14-16) Wi proov dat wi hoali wen wi obay Jehoava Laa ahn du weh rait eena wi laif. Dis proov dat Saytan laiyad. Aldoa wi mek mistayk, wi du wi bes fi stap du bad tingz weh wuda bring shaym pahn Jehoava naym.—Ps. 79:9.
(1 Peeta 1:16) Dat da wai di Skripcha seh, “Unu fi bee hoali, bikaaz Ai hoali.”
How fi Chooz Wi Entataynment
6 Jehoava tel wi: “Unu fi bee hoali, bikaaz Ai hoali.” (1 Peeta 1:14-16; 2 Peeta 3:11) Hihn wahn aksep wi wership onli if ih kleen, er hoali. (Deuteronomy 15:21) Wi wership noh kleen if wi di du tingz weh Jehoava hayt, fi egzampl, tingz weh imoaral, vailent, er ga fi du wid di deemon dehn. (Roamanz 6:12-14; 8:13) Bot Jehoava noh wahn pleez wid wi if wi entatayn wiself wid dehndeh tingz eeda. Den wi wership tu hihn noh wahn bee kleen. In fak, ih ku damij wi rilayshanship wid hihn.
Saach fi Spirichwal Chrezhaz
(1 Peeta 1:10-12) Dis salvayshan da-mi sohnting weh di prafit dehn mi waahn noa moa bowt. Dehn mi prafesai bowt dis gif weh Gaad mi waahn gi unu fahn way bak den ahn dehn mi saach fi fain owt bowt it. 11 Dehn mi-di wanda da wat di Spirit a Krais weh deh eena dehn mi-di taak tu dehn bowt. Ih tel dehn fahn bifoa ih hapm bowt weh Krais wuda sofa ahn bowt ih gloari aftawodz. Dehn mi-di wanda da wen aala dis wahn hapm ahn da hoo ih wahn hapm tu. 12 Bot Gaad tel di prafit dehn seh dat weh dehn di rait bowt da noh fi fi dehn benifit, bot da fi unu. Dehn mi taak bowt dehn tingz weh now unu di yehr fahn dehn wan weh di preech di Gud Nyooz chroo di powa a di Hoali Spirit weh kohn fahn hevn. Dehnya da tingz weh eevn di aynjel dehn wuda laik fi noa bowt.
w08-E 11/15 21 ¶10
Sohn Mayn Points Fahn Jaymz ahn Peeta Leta Dehn
1:10-12. Di aynjel dehn mi reeli waahn andastan di spirichwal chroot weh di lang taim prafit dehn mi rait kansaanin di anointid Kristyan kangrigayshan. Stilyet, dehnya deep chroot er prafesi dehn mi onli staat tu mek sens wen Jehoava mi staat deel wid di kangrigayshan. (Ifee. 3:10) Yu noh tink wee shuda fala dehnya aynjelz egzampl ahn saach intu di “seekrit ting dehn bowt Gaad”?—1 Kor. 2:10.
(1 Peeta 2:25) Unu da-mi laik sheep weh laas dehn way, bot now unu kohn bak tu di Wan weh da unu Shepad ahn weh protek unu soal.
it-2-E 565 ¶3
Oavaseeya
Di Grayt Shepad. Fers Peeta 2:25 di koat fahn Isaiah 53:6 weh mi taak bowt, ‘dehn sheep weh mi laas,ʼ ahn Peeta mi seh: “Bot now unu kohn bak tu dehn wan weh da unu shepad ahn weh protek unu soal.” Di refrens mosi di taak bowt Jehoava Gaad, sins di Kristyanz neva did laas dehn way fahn fala Jeezas Krais. Bot raada, hihn mi help leed dehn bak tu Jehoava, di wan weh da di Grayt Shepad. (Ps 23:1; 80:1; Jer 23:3; Eze 34:12) Jehoava da aalso wahn oavaseeya, wan weh wach oava ahn joj evriting. (Ps 17:3) Fi joj (Gr., e·pi·sko·peʹ) kuda meen fi ekspres wahn jojment a dischrokshan. Dis da-mi di kays eena di fos senchri C.E. wen ‘Gaad mi kohn fi sayv Jeroosalem [Gr., e·pi·sko·pesʹ]ʼ bot dehn neva pay hihn no main soh dehn mi geh dischrai. (Look 19:44) Er ih ku bring gud benifits laik eena di kays a dehn Kristyan weh prayz Gaad pahn di Day wen ih wahn kohn bak “fi joj di werl [Gr., e·pi·sko·pesʹ].”—1Peeta 2:12.
Baibl Reedin
(1 Peeta 1:1-16) Dis leta da fahn mee, Peeta, weh da wahn apasl a Jeezas Krais. Ah di rait dis leta tu aala di peepl dehn weh Gaad pik weh di liv laik aylyan aal oava di ayrya weh dehn kaal Pontus, Galaysha, Kapadosha, Aysha ahn Bitinya. 2 Gaad di Faada mi don pik unu weh da ih peepl fahn way, way bak, ahn fi hihn Spirit mek unu hoali. Soh, bikaaz a dat, unu obay Jeezas Krais ahn fi hihn blod mek unu kleen eena Gaad sait. Ah pray seh dat Gaad wahn shoa unu moa ahn moa grays ahn pees eena unu haat. 3 Mek wi gi tanks tu Gaad, di Faada a wi Laad Jeezas Krais! Da bikaaz a fi hihn grayt mersi wai Gaad mek wi kud bee baan agen ahn ih gi wi wahn hoap weh alaiv sayka weh Jeezas Krais rayz op bak fahn di ded. 4 Ahn soh wi di luk faawod tu di rich blesin dehn weh Gaad put op fi wee da hevn. Dis blesin wahn kyaahn ratn er spail er fayd weh. 5 Ahn Gaad wahn protek yu wid ih grayt powa til yu geh dis salvayshan bikaaz yu chros eena ahn. Dis salvayshan wahn redi fi evribadi si pahn di laas Day wen taim en. 6 Yu wahn glad pahn da Day, bot rait now yu hafu sad bikaaz a aal di chroblz ahn chraiyalz weh yu hafu goh chroo fi wahn lee taim. 7 Dehn chraiyal da fi proov seh dat yu fayt da di chroo chroo ting. Eevn goal weh kyaahn laas, dehn tes wid faiya, ahn fi unu fayt wot moch moa dahn goal. Soh yu fayt haftu tes wid faiya soh dat ih ku laas lang. Den pahn di Day wen Jeezas Krais kohn bak, yu wahn geh prayz ahn gloari ahn aana. 8 Aldoa yu neva si Jeezas Krais yet, yu stil lov ahn; ahn aldoa yu no di si ahn now needa, yu bileev eena ahn. Ahn eevn now yu noh ga di werd dehn fi eksplayn di grayt jai weh yu feel eena yu; dis da jai tu nohmoh nohmoh. 9 Soh, di riwaad fi weh yu put yu fayt eena ahn, da di salvayshan a yu soal. 10 Dis salvayshan da-mi sohnting weh di prafit dehn mi waahn noa moa bowt. Dehn mi prafesai bowt dis gif weh Gaad mi waahn gi unu fahn way bak den ahn dehn mi saach fi fain owt bowt it. 11 Dehn mi-di wanda da wat di Spirit a Krais weh deh eena dehn mi-di taak tu dehn bowt. Ih tel dehn fahn bifoa ih hapm bowt weh Krais wuda sofa ahn bowt ih gloari aftawodz. Dehn mi-di wanda da wen aala dis wahn hapm ahn da hoo ih wahn hapm tu. 12 Bot Gaad tel di prafit dehn seh dat weh dehn di rait bowt da noh fi fi dehn benifit, bot da fi unu. Dehn mi taak bowt dehn tingz weh now unu di yehr fahn dehn wan weh di preech di Gud Nyooz chroo di powa a di Hoali Spirit weh kohn fahn hevn. Dehnya da tingz weh eevn di aynjel dehn wuda laik fi noa bowt. 13 Soh den, geh yu main redi fi akshan ahn kip yuself anda kanchroal. Set yu hoap pahn da speshal grays weh yu wahn geh wen Krais kohn bak. 14 Obay Gaad bikaaz yoo da ih pikni. Noh goh bak goh liv dehn oal eevl way weh yu mi yoostu. Dehndeh taim yu neva noa no beta. 15 Insteda dat, yu fi liv hoali eena evriting weh yu du, jos laik Gaad weh pik yu fi bee fi hihn pikni, bikaaz hihn hoali. 16 Dat da wai di Skripcha seh, “Unu fi bee hoali, bikaaz Ai hoali.”
AKTOABA 21-27
CHREZHAZ FAHN DI WERD A GAAD | 1 PEETA 3-5
“Di En a di Werl Di Kohn Soon”
(1 Peeta 4:7) Di en a di werl di kohn soon, soh yu haftu geh seeryos ahn kanchroal yuself soh dat yu wahn kud pray.
w13-E 11/15 3 ¶1
Kip Pahn di Luk Owt ahn Noh Stap Pray
Wahn persn weh yoostu werk da nait seh, “di haadis paat a di nait fi stay op da erli eena di maanin, rait bifoa di son di kom op.” Adaz weh haftu stay op aal nait wuda praabli seh di sayhn ting. Kristyanz fays di sayhn chalenj tudeh bikaaz Saytan sistem deh eena wahn daak stayt, di daakis taim eena hischri. (Roam. 13:12) Ih daynjaros fi faal asleep eena dehnya taimz! Ih impoatant dat wi “geh seeryos” ahn obay di advais fahn di Skripcha fi ‘kanchroal wiself soh dat wi ku pray.ʼ—1 Peet. 4:7.
(1 Peeta 4:8) Moa impoatant dahn aal, unu fi lov wan anada wid chroo chroo lov, bikaaz lov kova oava lata sin.
w99-E 4/15 22 ¶3
Yu Ku Ga di Vikchri Oava Eniting Weh Di Bring Yu Dong Spirichwali
Mek wi pay kloas atenshan tu Peeta lovin kongsl: “Di en a di werl di kohn soon, soh yu haftu geh seeryos ahn kanchroal yuself soh dat yu wahn kud pray. Moa impoatant dahn aal, unu fi lov wan anada wid chroo chroo lov, bikaaz lov kova oava lata sin.” (1 Peeta 4:7, 8) Ih soh eezi fi mek wi oan imperfekshan ahn di imperfekshan a adaz afek how wi feel ahn tink. Dis ku en op di bee wahn chalenj er sohnting weh stombl wi. Saytan wel ahn noa dis, ahn hihn laik ster op prablemz ahn kaaz divizhan monks peepl. Wi need fi bee kwik fi fagiv ahn kantinyu fi lov wan anada ahn noh ‘giv di Devl no chaans fi mek wi sin.ʼ—Ifeezhanz 4:25-27.
(1 Peeta 4:9) Yu fi oapm yu hoam tu wan anada widowt di komplayn.
Wi Aal Need fi Mek Wan Anada Feel Welkom!
2 Wan a di tingz weh Peeta mi tel di bradaz, da-mi fi mek dehn invait adaz da dehn hows. (1 Peeta. 4:9) Eena Baibl taimz, wen peepl yoostu invait adaz tu dehn hoam da neva onli peepl weh dehn mi noa bot schraynjaz tu. Noatis doh dat Peeta mi koman ih Kristyan bradaz ahn sistaz fi oapm dehn hoam tu wan anada—dat meenz dehn oan Kristyan bradaz ahn sistaz. How di Kristyan dehn mi benifit wen dehn oapm dehn hoam tu wan anada?
3 Ih wuda mek dehn geh kloasa tu wan anada. Tink bowt yu oan ekspeeryens. Sombadi eva invait yu da dehn hoam? Yu ku memba di gud memriz weh stay wid yu fahn da taim? Wen yu invait frenz fahn yu kangrigayshan oava, yu noatis how unu frenship geh schranga? Wen wi oapm wi hoam tu wi bradaz ahn sistaz, da wahn gud apachooniti fi reeli geh fi noa dehn. Kristyanz weh mi liv eena di apasl Peeta taim mi need fi geh kloasa tu wan anada sins tingz mi-di geh wosa. Ahn Kristyanz weh di liv eena dehnya “laas dayz” need fi du di sayhn ting.— Tim. 3:1.
Saach fi Spirichwal Chrezhaz
(1 Peeta 3:19, 20) Da wen Krais mi eena di Spirit da den hihn gaahn gaahn preech tu di spirit dehn weh mi eena prizn. 20 Dehnya da-mi di spirit a dehn wan weh neva obay Gaad wen ih mi-di wayt pahn dehn payshent-wan wen Noawa mi-di bil ih aak. Soh da mi oanli ayt peepl mi gaan eena di boat ahn soh neva geh jrongdid eena da grayt flod.
w13-E 6/15 23
Kweschanz Weh Peepl Aks
Wen di Baibl seh dat Jeezas “gaahn preech tu di spirit dehn weh mi eena prizn,” da weh dis mi meen? (1 Peet. 3:19)
▪ Di apasl Peeta mi point owt dat dehndeh spirit da-mi “dehn wan weh neva obay Gaad wen Ih mi-di wayt pahn dehn payshent wan wen Noawa mi-di bil di aak.” (1 Peet. 3:20) Ih klyaa, dat Peeta mi-di rifaa tu aal dehn spirit kreecha weh mi-di fala Saytan. Jood menshan dat som a di aynjelz “neva satisfai wid di pozishan weh Gaad mi gi dehn, soh dehn lef dehn plays wichpaa dehn mi deh da hevn,” ahn soh Gaad “chayn dehn op fareva, deep dong eena wahn daak daak plays weh dehn wahn wayt fi wen di Day kohn wen hihn wahn joj dehn.”—Jood 6.
Eena weh way sohn spirit kreecha mi disobay Gaad eena Noawa day? Bifoa di flod dehnya wikid spirit kreecha dehn mi ton dehn badi intu wahn hyooman badi. Dis da sohnting weh Gaad neva wahn dehn du. (Gen. 6:2, 4) Eevn moa dan dat, dehndeh aynjelz neva mek fi ga seks wid hyoomanz. Dis mi disgostin ahn ih mi rang. (Gen. 5:2) Bot dehnya aynjelz wahn soon geh dischrai. Bot fi now, dehn lak op eena wahn “daak daak plays” weh da laik wahn spirichwal prizn.
Wen ahn how Jeezas mi gaahn preech tu di “spirit dehn weh mi eena prizn”? Peeta mi rait dat da-mi afta Jeezas “mi rayz op bak eena di Spirit.” (1 Peet. 3:18, 19) Noatis, tu, dat Peeta mi seh dat Jeezas “gaahn gaahn preech” tu di spirit dehn. Peeta mi taak bowt it laik ih mi don hapm aredi. Ih seemz laik Jeezas mi don diliva wahn mesij tu di spirit dehn bai di taim Peeta mi rait di fos leta. Moa dan laikli den, dis hapm sohn taim afta Jeezas rezorekshan. Jeezas mi prononks ponishment fi di wikid spirit dehn. Soh da neva no kaina preechin fi gi dehn hoap bot da-mi wahn mesij bowt jojment ahn dischrokshan. (Jonah 1:1, 2) Sins Jeezas mi faytful ahn laayal til det ahn mi kohn bak tu laif, ih proov dat Saytan noh ga no powa oava hihn. Soh den afta aala dat mi hapm, Jeezas mi ga di atariti fi prononks jojment.—Jan 14:30; 16:8-11.
Eena di fyoocha Jeezas wahn chayn op dehn wikid spirit ahn chroa di hoal kit a dehn eena di deep-deep hoal. (Look 8:30, 31; Rev. 20:1-3) Bot fi now, di wikid aynjelz weh neva obay Gaad deh eena wahn daak daak plays. Bot wen da taim kohn dehn wahn fainali geh dischrai fi chroo.—Rev. 20:7-10.
(1 Peeta 4:6) Dat da wai di Gud Nyooz mi preech eevn tu dehn wan weh mi don ded, soh dat eevn doa dehn badi mi geh ponish wid det, dehn kuda mi stil liv eena di spirit laik Gaad.
w08-E 11/15 21 ¶8
Sohn Mayn Points Fahn Jaymz ahn Peeta Leta Dehn
4:6—Hoo aal da di “wan weh don ded” weh “di Gud Nyooz” fi geh preech tu? Dehnya da di peepl weh ‘mi ded wen ih kohn tu di tingz a Gaad,ʼ er hoo mi spirichwali ded bikaaz dehn neva geh fi hyaa ahn andastan di gud nyooz yet. (Ifee. 2:1) Afta dehn mi put fayt eena di gud nyooz weh dehn hyaa, den, dehn mi staat tu “liv” eena wahn spirichwal sens.
Baibl Reedin
(1 Peeta 3:8-22) Di laas ting Ah ga fi tel unu da dis: Aala unu mos ga di sayhn tinkin ahn kansaan fi wan anada. Unu fi lov wan anada laik breda ahn sista, ahn unu fi kain ahn hombl tu wan anada. 9 If sohnbadi du unu sohnting bad, unu noh fi du sohnting bad bak tu dehn. Ahn if sohnbadi insolt unu, yu noh fi insolt dehn bak agen. Insteda dat, aks Gaad fi bles dehn, kaa Gaad kaal unu soh dat unu kud geh wahn blesin. 10 Ih rait eena di Skripcha seh, “If unu waahn fi mek unu laif hapi ahn liv wahn gud laif, yu noh fi taak bad tingz, ahn yu noh fi tel no lai. 11 Yu mos ton yu bak pahn eevl ahn du dehn tingz weh gud. Yu fi werk haad fi liv eena pees wid peepl. 12 Bikaaz di Laad di kip wach oava dehn wan weh di liv rait, ahn ih lisn tu fi dehn pryaaz. Bot di Laad ton ih fays gens dehn wan weh du eevl.” 13 Da hoo wahn waahn hert yu if aal di taim yu di du gud? 14 Bot eevn if unu sofa bikaaz unu di du gud, Gaad wahn bles yu far it. “Noh frayd fi nobadi ahn dehdeh di wori bowt weh dehn mait du yu.” 15 Insteda dat, yu mos wership Krais az Laad a yu laif. Ahn if enibadi aks yu bowt di hoap weh yu ga bikaaz yu da wahn bileeva, yu fi redi fi eksplayn it. 16 Bot yu fi du it eena wahn nais way ahn wid rispek, soh dat yu kanshans wahn klyaa. Den if peepl slanda yu, dehn wahn shaym wen dehn si wat a gud laif yu liv bikaaz yoo da fi Krais. 17 Kaa ih moa beta fi sofa bikaaz unu di du weh rait, if dat da weh Gaad waahn, dan fi yu sofa bikaaz unu di du dehn ting weh noh rait. 18 Krais mi sofa fi wee tu wen ih mi ded fi fi wee sin dehn wan lik. Hihn mi neva sin bot hihn ded fi aal sinaz soh dat ih kuda bring wi sayf hoam tu Gaad. Hihn mi sofa wen dehn put fi hihn badi tu det, bot ih mi rayz op bak eena di Spirit. 19 Da wen Krais mi eena di Spirit da den hihn gaahn gaahn preech tu di spirit dehn weh mi eena prizn. 20 Dehnya da-mi di spirit a dehn wan weh neva obay Gaad wen ih mi-di wayt pahn dehn payshent-wan wen Noawa mi-di bil ih aak. Soh da mi oanli ayt peepl mi gaan eena di boat ahn soh neva geh jrongdid eena da grayt flod. 21 Ahn dehn flod waata da-mi wahn picha a baptizm weh sayv yu chroo weh Jeezas Krais rayz op bak fahn di ded. Baptizm da noh fi wash aaf di dert fahn aafa unu badi, bot da di pramis weh wee mek tu Gaad seh dat wi wahn waak kleen soh dat wi ku noa dat wi noh gilti eena fi hihn sait. 22 Now Krais gaahn da hevn wehpaat ih di sidong pahn di rait han said a Gaad. Ahn now ih di rool oava aal di aynjel dehn, ahn aal di atariti dehn ahn aal powaz.
AKTOABA 28–NOVEMBA 3
CHREZHAZ FAHN DI WERD A GAAD | 2 PEETA 1-3
“Unu fi Luk Faawod tu di Day Weh Gaad Wahn Kohn fi Joj di Werl”
(2 Peeta 3:9, 10) Soh, unu noh fi tink seh dat di Laad sloa fi du weh ih pramis. Dat da weh som a unu tink. Insted, di Laad oanli payshent wid unu bikaaz ih noh waahn non a unu geh dischrai, bot ih waahn aala unu ton fahn unu sin dehn. 10 Yu si, di Day wen di Laad kohn bak wahn kohn wen yu noh di ekspek it, jos laik wen wahn teef kohn. Wen da Day kohn, wi wahn yehr wahn big lowd naiz ahn di skai noh wahn dehdeh nohmoh. Gaad wahn mek evriting weh een deh bon op ahn geh dischrai. Di werl ahn aal weh een deh wahn disapyaa.
w06-E 12/15 27 ¶11
Jehoava Wahn “Gi Dehn Jostis Kwik-Wan”
11 Da how wi fi andastan weh Jeezas mi pramis wen ih seh dat Jehoava wahn gi jostis “kwik-wan”? Di Baibl tel wi dat eevn doa Jehoava payshent, hihn wahn bring bowt jostis da di rait taim. (Look 18:7, 8; 2 Peeta 3:9, 10) Bak eena Noawa taim, wen di flod mi kohn, ih mi wash weh aala dehn wikid wan, wan-lik. Sayhn way tu, eena Lat taim, afta hihn mi lef Sadam ih rayn dong faiya fahn hevn ahn dischrai di wikid peepl dehn. Jeezas mi seh: “Da rait soh ih wahn bee wen di Son a Man kohn bak.” (Look 17:27-30) Agen, aal di wikid peepl wahn geh dischrai “wen dehn noh di ekspek it.” (1 Tesaloanyanz 5:2, 3) Soh wee ku bee kanfident dat Jehoava noh wahn alow Saytan werl fi laas wan day langa dan weh ih haftu.
(2 Peeta 3:11, 12) Soh laik how aala dehn tingz wahn geh dischrai eena da way, weh kaina peepl yu shuda bee den? Unu laif shuda bee hoali ahn unu shuda serv ahn aana Gaad bai di way unu liv. 12 Unu fi luk faawod tu di Day wen Gaad wahn kohn fi joj di werl, ahn du yu bes fi mek ih hori kohn soon. Dat da di Day wen di hevnz wahn bon op ahn geh dischrai, ahn di tingz dehn laik di son ahn di moon eena di skai wahn melt wid di heet.
w06-E 12/15 19 ¶18
Jehoava Grayt Day Di Kohn Soon
18 Noh wanda di apasl Peeta mi tel wi “fi luk faawod tu di day wen Gaad wahn kohn”! How wi ku du dis? Wan way da fi “bee hoali ahn wi shuda serv ahn aana Gaad bai di way wi liv.” (2 Peeta 3:11, 12) Mek wi kip bizi wid aktiviti weh wahn help wi fi bee eega fi “di day wen Gaad wahn kohn.” Di Greek werd fi “luk faawod tu” literali meen fi “hori op.” Wee kyaahn akchwali hori op Jehoava Day fi kohn. Bot wi ku kip bizi eena wi servis tu Gaad, ahn bifoa wi noa it, di taim wahn flai.—1 Korintyanz 15:58.
Saach fi Spirichwal Chrezhaz
(2 Peeta 1:19) Soh aala dis mek wi eevn moa shoar seh dat weh di prafit dehn mi seh da chroo. Soh ih wuda du unu gud fi pay atenshan tu it, bikaaz ih da laik wahn lamp weh di shain eena wahn daak plays til wen di Day daan ahn di maanin staar rayz op eena unu haat.
w08-E 11/15 22 ¶2
Sohn Mayn Points Fahn Jaymz ahn Peeta Leta Dehn
1:19—Da hoo da di “maanin staar”? Da wen dis staar mi rayz op ahn how wi noa dat dis mi hapm? Di “maanin staar” da Jeezas di rool az King eena Gaad Kingdom. (Rev. 22:16) Eena 1914, Jeezas mi geh anointid az King a Gaad Kingdom ahn dat da-mi laik di staat a wahn nyoo day. Wen sohn peepl mi geh fi si how Jeezas mi chaynj an ih fays mi shain brait brait-wan, ahn ih kloaz geh wait wait wait, dis mi shoa dehn Jeezas gloari ahn di powa weh ih mi wahn ga az King a di Kingdom. Dis vizhan help wi fi ga kanfidens eena Baibl prafesi. If wi pay atenshan tu dehnya werdz, wi wahn riyalaiz dat di maanin staar don rayz op.
(2 Peeta 2:4) Gaad neva spayr eevn di aynjel dehn wen dehn mi sin. Ih chayn dehn op ahn chroa dehn eena di daak pit a hel til Jojment Day.
w08-E 11/15 22 ¶3
Sohn Mayn Points Fahn Jaymz ahn Peeta Leta Dehn
2:4 NW—Wat da “Taataros,” ahn da wen Gaad mi chroa di bad aynjelz dehn weh mi ribel een deh? Taataros da laik wahn prizn wehpaa onli spirit kreechaz ku geh chayn ahn lak op. Da laik wahn daak daak pit weh deep ahn di spirit kreechaz weh deh een deh kyaahn eevn andastan Gaad wandaful perpos. Dehn noh ga no hoap fi di fyoocha. Gaad mi chroa dehn wikid aynjelz eena Taataros eena Noawa taim, ahn dehn wahn stay deh til jojment day.
Baibl Reedin
(2 Peeta 1:1-15) Dis leta da fahn mee, Saiman Peeta, weh da wahn servant ahn wahn apasl a Jeezas Krais. Ah di rait dis leta tu aala unu weh shayr di sayhn preshos fayt weh wi gat; dis da fayt weh Jeezas Krais, wi Gaad ahn Sayvya, gi wee kaa hihn da di Wan weh mek wi rait wid Gaad. 2 Ah pray seh dat Gaad gi unu moa ahn moa a ih grays ahn pees eena unu haat, kaa unu noa Gaad ahn Jeezas wi Laad fi chroo. 3 Az wi kohn fi noa Jeezas, fi hihn hoali powa wahn gi wi evriting weh wi need fi liv wahn laif weh wahn pleez Gaad. Hihn kaal wi fi shayr eena fi hihn oan gloari ahn ih gudnis. 4 Eena dis way ih gi wee aala fi hihn rich ahn wandaful gif dehn weh ih pramis wi. Dehnya gif wahn help wi fi get weh fahn di koropshan weh deh rong ahn rong wi sayka di eevl ting dehn weh wi haat waahn, ahn soh wi wahn kohn fi bee moa ahn moa laik Gaad. 5 Soh den, kaa Gaad du aala dat fi unu, chrai unu bes fi chros eena Krais. Pahn tap a dat, liv gud ahn waak eena di rait way. Ahn pahn tap a dat agen, geh fi noa Gaad moa ahn moa, ahn andastan weh ih waahn yu du. 6 Den pahn tap a dat, yu mos ku kanchroal yuself. Den pahn tap a dat agen, laan fi bayr op anda evriting, ahn soh mek unu laif shoa dat unu da Gaad peepl. 7 Den ad lov fi ada bileeva dehn tu yu gaadli way a laif, ahn den yu wahn groa fi ga chroo chroo lov fi evribadi. 8 Dehnya da di ting dehn weh yu need, ahn if yu ga lata dehn, dehn wahn mek yu groa ahn noa moa bowt di Laad Jeezas Krais ahn yu wahn wot sohnting. 9 Bot if yu noh ga dehn ting eena yu laif, yu da laik sohnbadi weh kyaahn si faar er weh blain. Dehn faget seh dat Gaad mi fagiv dehn sin weh dehn mi don du. 10 Soh, mi bradaz ahn sistaz, unu mos werk haada fi proov seh dat yoo reeli deh monks dehn wan weh Gaad mi kaal ahn pik fi bee ih peepl dehn. If yu du dis, yu noh wahn faal ahn soh stap chros eena Krais. 11 Den wen di taim kohn, Gaad wahn oapm di gayt dehn a hevn waid soh dat yu ku goh eena di kingdom a wi Laad ahn Sayvya Jeezas Krais, weh wahn laas fareva ahn eva. 12 Ah plan fi kip aan di rimain yu bowt dehnya tingz, aldoa yu don noa dehn ahn yu di stan op fi di chroot. 13 In fak, Ah tink seh dat Ah shuda kip aan di rimain unu bowt dehnya tingz az lang az Ai alaiv eena dis badi. 14 Bot wi Laad Jeezas Krais don shoa mi seh dat mi dayz dehn pahn dis ert nombad ahn dat Ah soon ded. 15 Dats wai Ah di du mi bes fi mek shoar seh dat aala unu wahn memba dehn tingz ya lang afta Ah don gaan.