Uganu buiti le labürüdübei Matéu
1 Líburu to abahüdaguboun luagu libagari Hesukrístu,* le ladügawagun* Dawidi, le ladügawagun Abraámü:
2 Abraámü meha lúguchibei Isaakü;
Isaakü lúguchibei Hakobu;
Hakobu lúguchibei Hudá hau sun líbirigu;
3 Hudá meha lúguchibei Péresi luma Sera (Tamarü meha háguchuboun);
Péresi lúguchibei Esromu;
Esromu lúguchibei Ramü;
4 Ramü meha lúguchibei Aminadábü;
Aminadábü lúguchibei Naasón;
Naasón lúguchibei Salmón;
5 Salmón meha lúguchibei Boasi (Raabü meha lúguchuboun);
Boasi lúguchibei Owedi (Rudu meha lúguchuboun);
Owedi lúguchibei Hesé;
6 Hesé meha lúguchibei urúei Dawidi.
Dawidi lúguchibei Salomón (to meha lúmariboun Uríasi lúguchuboun);
7 Salomón meha lúguchibei Reoboámü;
Reoboámü lúguchibei Awiasi;
Awiasi lúguchibei Asá;
8 Asá meha lúguchibei Heosafátü;
Heosafátü lúguchibei Heoramu;
Heoramu lúguchibei Usíasi;
9 Usíasi meha lúguchibei Hotamü;
Hotamü lúguchibei Akasi;
Akasi lúguchibei Esekíasi;
10 Esekíasi meha lúguchibei Manasési;
Manasési lúguchibei Amón;
Amón lúguchibei Hosíasi;
11 Hosíasi meha lúguchibei Hekoníasi hau sun líbirigu lidan lidaani hanaawagun huríu Babilónioun.
12 Hekoníasi meha lúguchibei Sealtieli lárigiñebei hanaawagun huríu Babilónioun;
Sealtieli meha lúguchibei Sorobabéli;
13 Sorobabéli meha lúguchibei Abiudu;
Abiudu lúguchibei Eliakímü;
Eliakímü lúguchibei Asoru;
14 Asoru meha lúguchibei Sadoku;
Sadoku lúguchibei Akimu;
Akimu lúguchibei Eliudu;
15 Eliudu meha lúguchibei Eleasárü;
Eleasárü lúguchibei Matán;
Matán lúguchibei Hakobu;
16 Hakobu meha lúguchibei Hosé, le túmari María to lúguchuboun Hesusu, le unbei hagúara Kristu.
17 Lúmagiñe Abraámü darí Dawidi, katorusuñanu meha adügawaguni, lúmagiñe Dawidi darí hanaawagun huríu Babilónioun, katorusuñanu adügawaguni ani lúmagiñe hanaawagun huríu Babilónioun darí Kristu, katorusuñanu adügawaguni.
18 Ítara liña ligaburi lagüriahóun* Hesukrístu. Gadaradunñoun meha María to lúguchu lun tamarieidun luma Hosé, lubaragiñeti hamarieidun, aba terederun dageinañu lau lubafu sífiri sandu. 19 Kei méhati aban lubéi wügüri le áfaagubei súnwandan lun ladügüni le buídubei Hosé, mabusenrunti meha lásügüragüdünu María busiganu hagibugiñe gürigia. Ligía aba lubéi lasaminarun lígiragun tuma ibidiñounga houn amu. 20 Lárigiñeti lasaminarun Hosé luagu katei burí le, aba larufudagun aban lani Heowá* ánheli lungua lun lidan luénedü ani aba lariñagun lun: “Hosé, ladügawagun Dawidi, manufudedabá banügünu María to búmari búbiñoun, lugundun sífiri sandu adügübei lun tadageinadun. 21 Gasaaniboun aban irahü, ábame bíchugun Hesusu* luagu, ladüga lasalbarubaña lánigu lídangiñe hafigoun”. 22 Susereti sun le lun lagunfulirun le meha lariñagubei Heowá* lau lídehan lani profeta: 23 “Tadageinaduba aban nibureintu máfuridungiru, ábame gasaani tan aban wügüri irahü, ábame hagúarun lun Emanuéli”, mini lan iri le “anihein Bungiu wama”.
24 Dan le lagagudunbei Hosé, aba ladügüni le lariñagubei lani Heowá* ánheli lun, ábati lanügünu lani weiriou lúbiñoun. 25 Pero marounrunti tuma darí lagüriahóun tisaani. Aba líchugun Hesusu luagu.