GUMESE HUMÉI YANU
ARUFUDAHANI 6
Ganigi humá
Adundehani tídangiñeti Bíbülia: “Íderagua lumutiwa Bungiu lun wapurichihani uganu luáguti asalbaruni hun lau anigi” (1 Tesa. 2:2).
Le meha ladügübei Hesusu
1. Ariha huméi BIDÉU o aliiha huméi Lúkasi 19:1-7. Ábameti hasaminarun luagun álügüdahani burí le:
Háfuga ka meha uagu maha habéi gürigia hóundaragun luma Sakéu?
Lau sun lira, ka ínchahabalin Hesusu lun lapurichihan lun?
Ka wafurendeirubei lúmagiñe Hesusu?
2. Mégeitiwa ganigi lun wayanuhan luagu inarüni houn sun mutu.
Áyeiha huméi Hesusu
3. Afiñe humá luagu Heowá. Ruti meha Heowá erei lun Hesusu lun lapurichihan, gayaraati giñe líchuguni erei ligía hun (Mat. 10:19, 20; Luk. 4:18). Amuriaha humá ganigi luma Heowá lun hapurichihan houn gürigia ha íchugubaña anufudei hun (Adü. 4:29).
4. Masaminara humá wuriba hawagu gürigia. Anihein dan hénrengu lan woun wagumeserun ayanuha luma aban gürigia ladüga ligaburi laríawagun, ligaburi labagaridun o ladüga lídangiñeti lan ítaga relihión. Lau sun lira, mabulieida huméi le:
Heowá luma Hesusu asubudirubalin ka lan tídanbei hanigi gürigia; ánheinti wagía, ibidiñeti lira woun.
Gayaraati larufudun Heowá gudemehabu houn sun hawuyeri gürigia.
5. Ganigi humá, lau sun lira, duari humá (Mat. 10:16). Masigeneha humá ani inebehabu humá. Anhaün ariha mabusenrun lan gürigia laganbun o anhein machourun hasandiragun hungua, dürügua huméi yanu lau inebesei (Ari. 17:14).