GIRIBU HUMÁ BISIDAÑA GÜRIGIA
ARUFUDAHANI 7
Sigí humá áfaagua
Adundehani tídangiñeti Bíbülia: “Meredetiti harufudahan […] tidan burí muna sagü weyu” (Adü. 5:42).
Le meha ladügübei Pábulu
1. Ariha huméi BIDÉU o aliiha huméi Adügaü 19:8-10. Ábameti hasaminarun luagun álügüdahani burí le:
Lau sun añahein lan meha ha mabusenrúntiña haganbuni uganu le lapurichihabei Pábulu, ida liña wasubudiruni mábürühan lan larüna?
Kada meha átiri dan layanuha Pábulu hama gürigia ha busenbaña hafurendeirun ani luagu átiri dan ladügei?
Ka wafurendeirubei lúmagiñe Pábulu?
2. Mégeiwati dan luma áfaaguni lun wagiribudun bisidaña gürigia luma lun wagumeserun aban aturiahani tídangiñeti Bíbülia hama.
Áyeiha huméi Pábulu
3. Bisida huméi gürigia lidan oura le buídutimabei lun. Álügüdagua humá hungua: “Kaba weyu luma oura gadaani lan gürigia lun leresibirunina ani halía?”. Aranseñu humá lun hagiribudun bisidei gürigia íbini mama lan oura ligía buídutimabei hun.
4. Álügüda huméi ka lan amu weyu ídanbei gayara lan hagiribudun bisidei. Danme le lásurun hayanuhan luma aban gürigia, adüga humá daradu luma lunya hadunragun amu weyu ani adüga huméi sun hiyaraati lun hagunfulirun.
5. Mábürühala harüna. Masaminara humá mabusenrunrügü liña lan gürigia lafurendeirun hénrengu lubéi hadariruni o ladügarügü bereseguhei lan (1 Ko. 13:4, 7). Sigí humá áfaagua lun hadariruni gürigia, áfaagueina lun hayusuruni hidaani lau lichú aau (1 Ko. 9:26).