Le gayarabei wariñagun tuagu garüdia

Lun lagumeserún aturiahani tídangiñeti Bíbülia lidan furumiñeti samudi lidan duusu-hati

“Ma mégeitiwa súngubei wagía gamadagu wamá? Ka igaburi gebegitimabei hun luagu aban umadaü? [Ígira humá lun lóunabun.] Arufudati arütíkulu le lunti lan duari wamá dan le wanúadiruniña wamadagu.” Ru humoun La Atalaya to lánina 1 lidan duusu-hati lun, ábameti hakutihani ariñahani le lábugiñebei aban lídangiñe subtítulu le lídanbei páhina 16, ani aliiha huméi íbini aban bérusu. Ígira humoun garüdia luma, ani adüga hugíame aransehani lun hagiribudun lun hakutihan amu álügüdahani.

Garüdia Atalaya 1 lidan duusu-hati

“Según hisaminan, ka funa san uagu lagibedagua hárabaganali, herigini o sügǘ libeina le? [Ígira humá lun lóunabun.] Súdiniti wasubudiruni ariñaga tan Bíbülia lidan aban profesía ñeinbei lan günringuaü ladüga liñawan dan [aliiha huméi Matéu 24:7, 8]. Óunabatu garüdia to ǘrüwa álügüdahani: ka uagu gibe lubéi günringuaü ladüga liñawan dan?; abeichúni san lúmagiñeti Bungiu le?, Ka uagu wafiñera málühali lan Bungiu agumucha lau lamiselu?”

¡Despertad! Duusu-hati

Aliiha huméi 2 Timotéu 3:16. Lárigiñe ariñaga humá: “Añahein gürigia afiñetiña lúmagiñetu lan Bungiu Bíbülia, ani añahein amu mafiñetiña. Ka hasaminarubei? [Ígira humá lun lóunabun.] Íbini gibe lan ariñawagúti, úaratiña saragu lau saminaü luagu úatu lan amu líburu tótima awandaaru hálugun gürigia lun hagumuchun tau sunsuinagubei. Ayanuhatu garüdia to luagu louchúniwa lidan dan le sügühalibei lun lagumuchún tau luma lun maliihóua tan. Ariñawagúati giñe tidan ka lan uagu anuheingua lubéi.”