Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan seingü-hati

“Kei sun lubéi wagía charatiwa. Álügüdaguaadün san hungua anhein feruduna lubalin Bungiu figóu le wéinamuti?” Lárigiñe lóunabun gürigia arufuda huméi arütíkulu le tanagangiñebei Garüdia Atalaya to lánina 1 lidan seingü-hati lun ani akutiha huméi ariñahani le lábugiñebei furumiñeti álügüdahani, akutiha huguyame íbinirügü aban bérusu tídangiñeti Bíbülia le ñeinbei. Ígira humóun garüdia ani adüga humá aransehani lun hagiribudun amu weyu lun hakutihani lóunabagüle le aban álügüdahani.

Garüdia Atalaya 1 lidan seingü-hati

“Hínsiñeti hamuga woun wasubudiruni ka lan hasaminarubei luagu le ariñawagúbei ya [aliiha huméi 2 Huan 4:8]. Úarati hasaminan saragu gürigia luma dimurei burí le, gama lumoun añahein ariñagutiña furunde lan Bungiu ladüga ladügün o lígirun lun lasuseredun katei kéiburi hárabaganali, herigini o katei líbeina lira. Ka hasaminarubei? [Ígira humá lun lóunabun gürigia.] Rutu garüdia to resun buiti woun lun mariñagun wamá luagu furunde lan Bungiu.”

¡Despertad! Seingü-hati

“Hínsiñeti hamuga woun wayanuhan huma uguñe luagu aban turóbuli le adügübei lun nidiheri wamá: líwerunouga, áfarahani o katei líbeina lira. Añahein saminatiña laranseraguba lan turóbuli le ánhaña agibedagua súdaragu. Ka hisaminanbei? [Ígira humá lun lóunabun gürigia.] Subuditi san hun ariñaga tan Bíbülia lagidarúba lan turóbuli burí le? [Aliiha huméi Sálumu 37:10, 11.] Afuranguagüda tumuti garüdia to ida luba lan lasuseredun le ani rutu adundehani woun lun wóunigiragun woungua hawéi wuribatiña.”