Gayarati san wasigirun murusunraüya dan?

Añahein íbirigu héchutiña lun lásurun hapurichihan lidan fulasu le atokarubei lun lapurichihóuniwa lidan somu oura, kéiburi lidan lamididun. Másiñati adüga lan le gádanbaliña somu íbirigu lun hagumuchuni hapurichihan lidan somu oura. Gama lumoun buiti lun wálügüdagun woungua: ladüga san ligía lan échunibei ñein lubéi weredera lagumuchunbei wapurichihan lidan somu oura? Dan le hagumeserun ha híbiri íbirigu ñǘdüngua lídangiñe apurichihani aban san giñe wóudin? Gayarati san wasigirun apurichiha fiúraü oura, apurichiha wagíame ǘmadarugu o lidan somu fulasu le ñein lubéi hadeirua saragu gürigia? Agia san lun wadügün aban o bián bisida lubaragiñe wagiribudun munadoun? Samina humá luagu sun buiti le gayarabei hadügüni ánhadün adarira aban gürigia le busenti lafurendeirun tídangiñe Bíbülia tidan somu muna o ánhadün ígira tóugiñe aban garüdia lúhaburugu somu gürigia le hadarirubei ǘmadarugu. Ánhawa asigira apurichiha murusunraüya dan, wéiritimabei ‘uéiriguni lau wayuma’ le lunbei wíchuguni lun Bungiu (Ebü. 13:15).