Buidutimalá wadügüni katei: subudi waméi kaba lan wóunaba houn ha álugutiña hararamuni yanu

Ka uagu súdini lubéi? Samina humá subudi lan hun málühali lan aban hárabaganali, herigini o hiriri asusereda ani hóunweguba lan saragu gürigia ánhaña máfuridun lídangiñe fulasu le ñein habéi. Ábati héibaagun awisarei hubesinan, gama lumoun, aba ladüraaguni le hariñagubei lun lariñagun hun bereseguñein lan. Hígiruñein hamuga san katei ítara o hasigiruña hamuga áfaagua lun laganbunün? Chóuruti hasigiruña lan hamuga áfaagua! Ítarameme, gíbetiña gürigia máhatiña haganbuniwa ladüga ibidiñe lan houn gayara lan lasalbaruniña uganu le wanügübei. Háfuga nidiheritiña luagu somu katei oura le wachülürünbei bisidaña (Mat. 24:37-39). O másiñati samina hamá wuriba wawagu ladüga aganbaaña lan iyeeni wawagu (Mat. 11:18, 19). O háfuga saminatiña ítara waña lan kei líbiri relihión le rúhalibei luriban burí resultóu (2 Fe. 2:1, 2). Anhein arufuda gürigia lidan furumiñeti wéiyaasu mabusenrun lan laganbuniwa, meferidira waméi waguraasun.