Buidutimalá wadügüni katei: Buidu lan wóunabuniña gürigia ha agañidubaña wama luagu wapurichihan houn

Ka uagu súdini lubéi? Saragu gürigia ha únbaña wapurichiha inebehabutiña. Gama lumoun ariñagati Hesusu lidan aban profesía weyereeguduba lan houn saragu gürigia (Huan 17:14). Ligíati moun lumuti lubéi taweiridun wanigi dan le wadarirun gürigia ha agañidutiña wama ladüga wapurichihan. Anhein asusereda aban katei woun ítara, lunti wóunabun lau aban igaburi le aubei lagundaara Heowá, Bungiu le uágubei wayanuha (Rom. 12:17-21; 1 Fed. 3:15). Ladügüba wóuserun lau aban lubuidun igaburi lun maweiridagun lan katei. Gayaraati giñe ladügün lira lun layanuhan gürigia le unbei wapurichiha o gürigia ha ariagubaliwa buidu wawagu, ánhara hagíame heresibiruniña gefenti luagu Heowá lidan amu ókaasion (2 Ko. 6:3).