Yusu waméi páhina jw.org lidan ministeriu

Huuti wani páhina lánina Internet lun lapurichihóun uganu buiti “chülǘ lumoun lidise-agei fulasu ubouagu” (Adü. 1:8). Gama lumoun, ibidiñeti páhina le houn hiibe-agei gürigia; hasubudirubei ánheingubeirügü larufuda aban íbiri houn o layanuhan houn luagu.

Rarigüda lumuti aban óunigiruti sirkuitu bidéu le gíribei Ka uagu lunti lubéi haturiahanu Bíbülia? lidan ligagamurun ani arufuda lumuti houn gürigia sagü ladarirun chansi. Aban hénpulu, dan le lapurichihaña lan muna tuagun muna ábaha lariñagun: “Nabisidahañadün murusunraü lun níderagunün adarirei lóunabagüle ǘrüwa álügüdahani súdiniti le: “Ka uagu lanarimebei wuribani ubouagu? Ida luba laransehani Bungiu katei? Ka lunbei wadügüni? Ounabúati álügüdahani burí le lidan liraüraü bidéu le”. Aba larufuduni bidéu lun gürigia, ñéingiñe aba lagurabahan lun larihini kaba lan lóunaba. Wéiriti lubuidun bidéu le darí lun mararamagun lan harihini hiibe-agei gürigia darí lagumuchun. Lárigiñe aba lariñagun houn: “Kei le aubei haganbei, gayaraati hamuriahan aban aturiahani tídangiñeti Bíbülia lidan páhina jw.org. Gama lumoun, kei anaha lubéi ya gayaraati narufuduni hun ida liña lan ladügǘniwa”. Anhein ánhara gürigia, aba larufuduni íbiri lun ida liña lan wíchugun aturiahani tídangiñeti Bíbülia tau garüdia Uganu buiti. Anhein madaani lubéi gürigia, adügati aransehani lun lagiribudun amu weyu. Dan le lararamagun murusun oura tidan aban éigagülei, aba lagumeserun adimureha lau gamadóuni luma gürigia le lóubagiñebei ábati lariñaguni ligiaméme lun. Angia wagía, wayusuruñein san jw.org lidan wani ministeriu?