Madarasaha wamá lubá wáfuridun apurichiha

Maribanti lun busén wamá wayanuhan hama wíbirigu dan le warihiniña lidan adamuridaguni le adügǘbei lubá wáfuridun apurichiha. Gama lumoun, lárigiñe lagumuchun adamuridaguni, lunti madarasahan wamá lubá woudin lidoun fulasu le ñeinba lubéi wapurichiha, lugundun mosu wagunfulirun lau wawadigimari lánina apurichihani lau lóufudagun (2 Tim. 4:2). Ánhawa adarasaha saragu lubá wáfuridun apurichiha, míbebei dan wásügürün lidan apurichihani. Ani le linarün katei, gachansintiwa lun wayanuhan luma wapaaná lidan apurichihani. Ánhawa échuda lun madarasahan wamá lubá wáfuridun apurichiha, warufuduba luagu benefa wamá ani weseriwiduña lan kei idamuni lun Heowá luma lun Hesukrístu (Rom. 12:11).