Le gayaraabei wariñaguni tuagu garüdia

Garüdia Atalaya 1 lidan sedü-hati

“Kei genege lubéi ua lan ni kata chóuruti uguñe weyu, ka hisaminanbei luagu adundehani le líchugubei Hesusu lidan bérusu le? [Aliiha huméi Matéu 6:25, ani ígira humá lun lóunabun gürigia.] Íderagua tumutiwa garüdia to arihei weiri lan lahuudun adundehani le tíchugubei Bíbülia libügürü le gayaraabei wadügüni lun wadarirun awalidaguni lídangiñe wadiheri uguñe weyu.”

Uganu buiti lúmagiñeti Bungiu

“Ma inarüni gíbeeli lan wéiyaasu wáluahani lídehan Bungiu lau wafurieidun lun, dántima le gaturóbulin wamá? [Ígira humá lun lóunabun gürigia.] Afiñetün san aganba lani Bungiu sun furíei, o anihein funa maganbun lumuti? [Ígira humá lun lóunabun.] Barütina aban garüdia númagua to arufudubalin halía lan tíchigei Bíbülia óunabagülei lun burí álügüdahani le. [Derege humóun garüdia lun ani akutiha huméi furumiñeti párafu le lídanbei leksióun 12 úara luma burí bérusu le uágubei bürüwañu lan “aliiha huméi”.] Gúndaatiwa wasubudiruni amisuraha lániwa Bungiu ayarafada lun lau wafurieidun lun; ánheinti mabusenrun wabéi weferidiruni lubuidun chansi le, mosu wasubudiruni Bungiu buidu. [Dará humóun garüdia lidan leksióun 2 ani arufuda huméi burí subtítulu lun.] Anhaün busén, gayaraabei nígirunu garüdia to hun, hagiribudameti amu weyu lun wakutihani óunabagülei le tíchugubei Bíbülia lun álügüdahani burí le.”