WABAGARI KEISI KRISTIÁNUGU
Alawaha waméi Heowá lau weremuhan lau ugundani
Dan meha le furisunrugu lubéi Pábulu luma Sílasi, alawaha hamuti Heowá lau uremu (Adü 16:25). Chóuruti íderagua lániña lira awanda. Uguñe weyu, ruti uremu le weremuhabei tidan Luban Wadamuridagun luma burí amu le áfuachubei lidan jw.org dǘgüdaguaü woun ani íderagua lumutiwa lun úaragua wamá lun Heowá íbini wagagibudagun luma lénrengunga. Ani lanwoun lira, alawaha wamuti giñe Heowá lau burí uremu ligía (Sal 28:7). Ariñawagúaali woun lun wáfaagun lun wafurendeirun fiu uremu. Gayaraati wayusuruni dan le wayusurubei lun wáhuduragun keisi iduheñu lun wasayahani uremu luma lun wafurendeiruni liletüran.
ARIHA HUMÉI BIDÉU ALAWAHA HAMUTI IRAHÜÑÜ HEOWÁ LAU UREMU, LÁRIGIÑE, ÁBAME HÓUNABUNI ÁLÜGÜDAHANI BURÍ LE:
Ka buiti wibihubei dan le weremuhan uremu lánina lalawahóun Heowá?
Ida liña haranserun lílana Departamentu lánina Gürawárua lan Ariñahani luma Bidéu lun gürawárü hamá?
Ka hadügübei irahüñü ha eremuhabalin uremu hama haduheñu lubaragiñe gürawárü hamá?
Ka uremu lánina lalawahóun Heowá hínsiñetimabei hun ani ka uagu?