Adundehani lun aturiahani
Furendei huméi ‘uremu lun Bungiu’ hichügüwagu
“Dan le maguraasun nan, ruti Heowá dǘgüdaguaü nun lau uremu le lídanbei JW Broadcasting®” (Lorraine, Meriga).
Súnwandan heremuha kristiánugu ‘uremu lun Bungiu’ lun halawahani (Kol. 3:16). Anhein hafurendeira hichügüwagu gayaraabei líderagunün íbini dan le ua tan aban líburu lánina uremu huma ni aban gágamuru o tablet. Anihán fiu adundehani le gayaraabei lahuudun hun. Ka uagu mouchun hubéi hadügüni?
Sagá huma dan lun haliihani uremu luma lun gunfuranda humani. Dan le gunfuranda wamani somu katei, ménrenguntimati woun waritaguni. Anihein sun liletüran uremu lidan jw.org íbini uremu le áfuachubei lidan JW Broadcasting luma uremu le hounti irahüñü. Lun hadariruni, heiba lidoun fánreinti “Líburu-agei” ani lárigiñe ábame hadurun le ñein lubéi lariñaga “Músika”.
Abürüha huméi liletüran. Líderagubadün katei le lun lerederun uremu hichügüwagu (2 Lur. 17:18).
Asayaha huméi lau umalali héreti. Aliiha huméi liletüran uremu o eremuha huméi saragu wéiyaasu.
Ariha huméi anhein redei lubéi hichügüwagu. Áfaagua humá lun haritaguni liletüran uremu sin harihini, lárigiñe ariha huméi anhein subudi humaali lubéi.