Winwan humá lau ugundani: iseri agumeiraguagüdüni lun larufudahóun inarüni

Óunwenbu wagundan anuheinharu lan aban iseri líburu tuma aban iseri garüdia lun wíchugun aturiahani tídangiñeti Bíbülia! Amuriahatiwa luma Heowá lun labiniruni wáfaagun lun wadügün hanwoun disipulugu (Mt 28:18-20; 1 Ko 3:6-9). Ida luba gayara lan wayusurunu iseri agumeiraguagüdüni to?

Kei ítara hali lan aturiahani kei hayanuhan gürigia hámagua lidan taturiahoun Bíbülia, lunti wasansiruni ligaburi warufudahan. Ligíati, sigí huméi adundehani le danme le haranserun lun híchugun aturiahani tídangiñeti Bíbülia:a

• Aliiha huméi ariñahani ani akutiha huméi álügüdahani.

• Aliiha huméi bérusu le áfuachubei ani íderagua humaña ha aturiahabaña huma lun gunfuranda hamani le larufudahabei bérusu.

• Arihagüda huméi bidéu ani adüga huméi álügüdahani le áfuachubei tidan agumeiraguagüdüni.

• Áfaagua humá haturiaha aban leksióun dayarüti sagü haturiaha.

Danme hapurichihan, áfaagua humá hederegerun aban garüdia lun harihini anhein busén lubéi gürigia laturiaha (ariha huméi rekuáduru “Ida luba tederegerun garüdia Winwan humá lau ugundani lidan furumiñeti hayanuhan hama gürigia” le lídanbei páhina 16). Anhein gumuha lubéi haturiahanu garüdia ani busenti aturiahati lasigirun aturiaha derege humoun líburu lun ani gumese humá lúmagiñe arufudahani 04. Anhein haturiahañoun lubéi aturiahatiña aban tídangiñe wani agumeiraguagüdüni, sügǘ humá tidoun líburu Winwan humá lau ugundani. Huguyaba asubudirei halíagiñeba lan hagumesera.

LÁRIGIÑE HARIHINI BIDÉU BUITI ACHÜLÜRÜNI LIDOUN HATURIAHANU BÍBÜLIA, ÓUNABA HUMÉI ÁLÜGÜDAHANI BURÍ LE:

• Kaba hafurendeira aturiahatiña tídangiñe iseri líburu to?

• Ka uagu lunti lubéi harufuduni iseri bidéu le houn iseri aturiahatiña?

• Ka katei gayaraabei lasaminarun aturiahati lun lagunfuliruni (Ariha huméi rekuáduru “Puntu burí le súdinitimabei luma lébuna kada fánreinti” le lídanbei páhina 16).