ÁLÜGÜDAHANI BURÍ TUAGU BÍBÜLIA

Ka uagu buidu lubéi afurieiduni?

Busenti Bungiu lun wafurieidun lun súnwandan luagu wadiheri (Lúkasi 18:1-7). Aganba lumuti Bungiu wafurieidun ladüga berese lan wau. Agunbiraha láadiwa Wáguchi le siélubei lun wayanuhan luma. Hínsiñeti hamuga san hun hánharun lun amisurahóuni ligía? (Aliiha huméi Filipuna 4:6.)

Mámarügüñein lun wamuriahan ídemuei leseriwida furíei, seriwiti giñe lun wayarafadun lun Bungiu (Sálumu 8:3, 4). Sagü wariñaguni lun ka lan wasandirubei, ábatima labuidurun wamadagua luma. (Aliiha huméi Santiagu 4:8.)

Ida luba wafurieidun?

Mabusenrunti Bungiu wayusurun dimurei wéiriguti ni lun wariñaguni ligiaméme sagü dan. Mamuriahanti giñe wama lun wesetirun lidan somu manera. Le labusenrubei, lun wafurieidun lun tídangiñe sun wanigi (Matéu 6:7). Kei hénpulu, lidan meha hadaani ísüraelina, furíeitu meha Ana lun luagu aban turóbuli le hádanbei tiduheñu. Dan lárigiñe, dan le tagundaarunbei ladüga úaali lan idiheri tuagu, aba tafurieidun lun lun tíchugun seremei lun. (Aliiha huméi 1 Samueli 1:10, 12, 13, 26, 27 luma 2:1.)

Ma lueirin chansi! Gayarati wabahüdaguni waturóbulin lun Wabungiute. Gayarati giñe wíchugun uéiriguni lun luma seremei luagu sun le ladügübei. Maweiyasun wamá abulieidagua luéi lubuidun chansi le. (Aliiha huméi Sálumu 145:14-16.)