Gayarati san wáfuridun apurichiha rábounweyu?
1. Según aban líburu, ka meha oura láfurida apostolu Pábulu apurichiha muna tuagu muna?
1 Ariñagatu aban líburu héchuti lan meha apostolu Pábulu apurichiha muna tuagu muna “lúmagiñe ladaün gádürü rábounweyu darí laguñedun” (Daily Life in Bible Times). Íbini siñá lan wachoururuni ligía lan lóuratebei lapurichihan, subudi wamuti luagu aranseñu liña lan Pábulu lun sun katei ladüga “línsiñe uganu le lánina asalbarunni” lun (1 Ko. 9:19-23). Chóuruti aranseha lani luáguti lun lidin áluahaña gürigia hábiñe dan le añahein lan ñein.
2. Ka uagu buidu lubéi lun wáfuridun apurichiha rábounweyu?
2 Lidan saragu ageiraü, héchutiña íbirigu apurichiha muna tuagu muna binaafin. Ligía funa san oura buídutimabei lun wadariruniña gürigia hábiñe? Ariñagati aban prekursoru: “Madaritiwa saragu gürigia hábiñe binaafin, anati rábounweyu darí wamutiña”. Rábounweyu, darangilatimahaña wabesinanigu ani aransetiña lun hayanuhan. Ani ligíatima giñe ñein lan chansi lun wayanuhan hama wügüriña. Dan le gayara lan, súnwandan mosu lan hadügün wéiyaaña lidan afiñeni aransehani lun ñein lan apurichihani rábounweyu.
3. Ida liña warufudun lichú aau dan le wapurichihan guñoun?
3 Arufuda wamá lichú aau. Dan le wáfuridun apurichiha guñoun, mosu wadügüni lau lichú aau. Kéiburi ánhawa achülüra tidoun aban muna lidan aban oura le mabuidunti, háfuga lidan lóurate adineruni, gayarati wariñagun houn wagiribuduba lan ariñounmeme. Anhein búrigaali lubéi, houcha wamá wararamun ñein lubéi gayara lan harihiniwa gürigia, ariñaga waméi kátawa lan lau lóufudagun ani ariñaga waméi houn ka lan lébunabei wani bisida. Buiti giñe lun biángua wamá o lun yarafa wamá houn ha híbiri íbirigu lun giñe lídangiñe wamá üma le anihein leiti ñein ani añahein saragu gürigia ñein. Mabuidunti lun waguahan luagu habenari gürigia dan le tárühali, lugundun háfuga gumeseñame gürigia aranseha lun harourun (2 Ko. 6:3). Buiti giñe lun lubaragiñe lan laguñedun woudin apurichiha lidan fulasu le peligurubei dan le búrigaali (Ari. 22:3).
4. Ka resultóu wibihibei dan le wapurichihan rábounweyu?
4 Afayeiruahaü. Dan le gayara lan wayanuhan hama gürigia, gúndaatimatiwa lidan wani ministeriu. Dan le gíbetima lan chansi wadarirun lun wapurichihan, gíbetimatiña gürigia gachansintiña lun hasubudiruni inarüni buidu ani sefu hagía (1 Tim. 2:3, 4). Gayarati san wadügün aransehani lun gayara lan wáfuridun apurichiha rábounweyu?