Le gayarabei wariñagun tuagu garüdia

Lubá hamisurahóun gürigia lidoun Aritagüagülei

“Awanhán lubéi ya, lun wederegerunu amisuragülei to houn hiduheñu lun hachülürün lidoun aban adamuridaguni súdiniti irumu-auti le lunbei ladügǘniwa lidan sun ubóu 26 lidan ǘrüwa-hati. Lidan weyu le lanüga Hesusu ábanya irumu lúmagiñe lounwen. Lichugúba aban yanu tídangiñeti Bíbülia le uágubei mafayeihanbadün lan ni kata ñeinba lubéi lafuranguagüdawa ida liña lan líderaguniwa lounwen Hesusu. Iridúati oura luma fulasu le ídanba lubéi ladügǘwa lidan fulasu le ñein lubéi heredera tidan amisuragülei to.”

Garüdia Atalaya 1 lidan ǘrüwa-hati

“Adüga hamaali fiú gürigia álügüdahani le hóuniwagua: Ida liña wachoururuni águyugua lan Hesusu? Adügañaha humaali san álügüdahani le húniwagua? [Ígira humá lun hóunabun gürigia.] Ariha huméi ka lan uagu súdini lubéi lóunabagüle álügüdahani le [aliiha huméi 1 Korintuna 15:14]. Afuranguagüda tumuti garüdia to ida liña lan wasubudiruni mama lan aban iyeeni láguyugun Hesusu.”

¡Despertad! Ǘrüwa-hati

“Ma lidan burí dan le ariha humuti hungua hénrengu haali lan hagüriahóuniwa irahüñü? [Ígira humá lun hóunabun gürigia.] Gíbeeña agübürigu adarirutiña adundehani le huuti tidan Bíbülia. Aban hénpulu, íderegua lumutiña bérusu le lichügüdina familia lun háluahan chansi lun hariñaguni houn hasaanigu katei burí buiti le hadügübei lun hasandirun luagu gebegi hamá [aliiha huméi Kolosana 3:21]. Lidan arütíkulu le anirein seingü adundehani le wéiriti lahuudun houn agübürigu.”