Le gayarabei wariñaguni tuagu garüdia

Lun tederegehóun amisuragülei lubá Aritaguagülei

“Buiti binaafin. Hínsiñeti hamuga nun namisurahanün lidoun aban adamuridaguni súdiniti. Hóundaraguba saragu míñunu gürigia lidan sun ubóu 14 lidan gádürü-hati lun haritaguni lounwen Hesukrístu luma lun haganbun aban yanu tídangiñeti Bíbülia le lunbei lafuranguagüdüni ka lan buiti lanügübei lounwen woun. Úabei afayeihati lun lebelurun aganbei yanu le. Ariñawagúati tidan amisuragülei to halíaba lan ladügǘwa luma kaba lan oura.”

Garüdia Atalaya 1 lidan gádürü-hati

“Wayanuhaña murusunraü luagu aban katei le kamaniti hadan saragu gürigia. Chülüti dan lun hafurieidun hiibe-agei gürigia meberesenga ka lan hánibei relihión. Afiñetün san aganba lani Bungiu furíei, o laganóun hun kamá lúnrügüñein lasandiragun gürigia lungua buidu lahuuda? [Ígira humá lun lóunabun gürigia.] Ariha huméi ka lan tariñagubei Bíbülia libügürü katei le. [Aliiha huméi 1 Huan 5:14.] Afuranguagüda tumuti garüdia to ka lan buiti lanügübei furíei.”

¡Despertad! Gádürü-hati

“Wanügüña aban ariñahani houn gürigia le lunbei líderaguniña agagibudagua luma aban turobuli le kamanitimahali uguñe weyu. Gíbetiña gürigia wéiriti hadiheri luagu gádantiña darí lun hasaminarun háfaragun houngua. Dan le lasaminarun gürigia aban katei ítarati, le funa san lúgubu busén lan lounwen o láluaharügüña awalidaguni lun ligarigu? Ka hisaminanbei? [Ígira humá lun lóunabun gürigia.] Ariha huméi füramasei tídangiñeti Bíbülia le íderaguaalibei saragu gürigia arufuda aban lubuidun igaburi. [Aliiha huméi Arufudúni 21:3, 4.] Ayanuhatu garüdia to luagu ǘrüwa resun buiti lun wasigirun awinwanda íbini gagibugua wamá luma burí turobuli.”