Le gayarabei wariñaguni tuagu garüdia
Gumese wamá aturiahani tídangiñeti Bíbülia lidan furumiñeti samudi lidan ǘrüwa-hati
“Wabisidahañadün murusun oura lun wamisurahanün lidoun aban adamuridaguni le lunbei ladügǘn 14 lidan gádürü-hati. Wéyuba ligía lagunfulira Hesusu ábanya irumu lúmagiñe lounwen. Añahein gürigia óundaraguatiña lun haritaguni lounwen Hesusu ladüga afiñe hamá súdini lan, gama lumoun añahein amu machourun hamuti anhein súdini lubéi. Afiñetün san gayara lan lanügün lounwen Hesusu buiti lun kada aban wádangiñe?” Ígira humá lun lóunabun gürigia. Lárigiñe arufuda huméi arütíkulu le tanagangiñebei Garüdia Atalaya to lánina 1 lidan ǘrüwa-hati lun ani akutiha huméi ariñahani le lábugiñebei furumiñeti álügüdahani ani aliiha humá íbinirügü aban lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani le aban álügüdahani.
Garüdia Atalaya 1 lidan ǘrüwa-hati
“Gíbetiña gürigia álügüdaguatiña houngua ka lan uagu magida lubalin Bungiu marichaü luma asufuriruni ubouagugiñe. Afiñetün san meberesenrügüliña lan Bungiu lau katei burí le, o ladüga funa san samina lan barǘ lan asufuriruni buiti houn gürigia? [Ígira humá lun lóunabun gürigia. Lárigiñe aliiha huméi Huan 3:16.] Lau sun yusu hamani saragu gürigia bérusu le lun harufuduni berese lan Bungiu wau, ibidiñeti houn ídatima liña lan lanügün lounwen Liráü Bungiu buiti woun. Afuranguagüda tumuti garüdia to ida liña lan ladügün lounwen Hesusu lun gayarabei lan lagidarúniwa marichaü luma asufuriruni ubouagugiñe.”
¡Despertad! Ǘrüwa-hati
“Wabisidahañadün murusun oura ladüga busén wamá wafuranguagüdün aban saminaü charati le hawagubei saragu gürigia libügürü le tariñagubei Bíbülia lidan bérusu le [aliiha huméi Agumesehani 1:1]. Añahein afiñetiña Bungiu lan adügübalin sun katei, kei lariñaguni bérusu le, gama lumoun añahein amu, mafiñetiña. Angia huguya, ka hasaminarubei? [Ígira humá lun lóunabun gürigia.] Gíbetiña úntiña gürewei lan hafiñerun adügǘwarügü lan sun katei ladüga arufudaha hamá lábutigu relihión aban katei le marufudahan tumuti Bíbülia. Arufuda tumuti garüdia to ida liña lan tafuranguagüdüni Bíbülia lidan aban igaburi le ménrengunti gunfurandawa lan, ida liña lan lagumeserun sun katei.”