Le gayaraabei wariñaguni tuagu garüdia

Lun tederegehóun amisuragülei lubá Aritaguagülei

“Buiti binaafin. Wafanreinhañoun amisuragülei to houn gürigia lun hachülürün óundaragua wama lidan aban adamuridaguni wéiriti lisudinin. Lidan sun ubóu, hóundaraguba saragu míñunu gürigia weyu 3 lidan gádürü-hati lun haritaguni lounwen Hesukrístu luma lun haganbun aban yanu tídangiñeti Bíbülia mafayeihanga le lunbei lafuranguagüdüni ida liña lan lanügün óunweni le buiti woun. Ariñawagúati tidan amisuragülei to halíaba lan ladügǘwa ani kaba lan oura.”

Garüdia Atalaya 1 lidan ǘrüwa-hati

“Wéyuba 3 lidan gádürü-hati lagunfulira Hesukrístu ábanya irumu lúmagiñe lounwen. Ñéinbaña hádangiñe gürigia ha lídanbaña fulasu le óundaragutiña weyu ligía lun haritaguni sügǘ súdiniti le, gama lumoun, añahein amu masaminaruntiña libügürü ida liña lan lahuudun lounwen Hesusu woun. Agia huguya, ka hisaminanbei? Huuti funa san lounwen luma láguyugun Hesusu woun? [Ígira humá lun lóunabun gürigia.] Ariha huméi le tariñagubei Lererun Bungiu libügürü katei le [aliiha huméi 1 Korintuna 15:22, 26]. Akutiha tumuti garüdia to emenigini le líchugubei lebegi asalbaruni le lafayeirubei Hesusu lau lani sákürifisiu woun libügürü lachülürüba lan dan lun úaali lanme ni aban gürigia óunweti ubouagu.”

Sífirigu hani hilaaña

“Gíbetiña asaminarutiña dan le lan hounwen gürigia furí lan aban sífiri nibagariti lídangiñe hágubu lun lan yebe lidin sielun o lidin máfiougatin. Ligíati añahein lubéi gürigia hanufudetiña hawéi sífirigu o áfaaguatiña hayanuhan hama. Gayaraati funa san ladügün sífiri hani hilaaña buiti o wuribati hun? [Ígira humá lun lóunabun gürigia.] Narufudaali hun ka lan tariñagubei Bíbülia [aliiha huméi Apurichihati 9:5, 6 luma 10].” Dará humóun garüdia Sífirigu hani hilaaña lidan ubanaü 13 ani akutiha huméi ariñahani le lábugiñebei bián furumiñeti subtítulu.