Le gayarabei wariñaguni tuagu garüdia

Gumese wamá aturiahani tídangiñeti Bíbülia lidan furumiñeti samudi lidan ǘrüwa-hati

“Saragu gürigia efeduha hamuti nasirua lan Hesusu, adian? Gama lumoun, saminatün san súdini lan waritaguni lounwen?” Ígira humá lun lóunabun gürigia. Ábameti híchugunu La Atalaya lánina 1 lidan ǘrüwa-hati lun, hakutiheime ariñahani le lábugiñebei furumiñeti subtítulu le lídanbei páhina 16. Aliiha humá íbini ábanrügü bérusu. Lagumuhóun, ariñaga humá lun hagiribudayaba lan lun hakutihani le aban álügüdahani.

Garüdia Atalaya 1 lidan ǘrüwa-hati

“Anuhein saragu ligilisi luma relihión ha arufudahabaña ámuñegueinarügü afiñeni luma échuni. Inarünitiña funa san sun kristiánugu? Ka hisaminanbei? [Ígira humá lun lóunabun gürigia.] Ariñagati Hesukrístu hasubudirúaba lan kristiánugu ha inarünitiña luagu aban katei [Aliiha huméi Huan 13:34, 35]. Tidan garüdia to, hadariruba seingü katei le lariñagubei Hesusu lun líderaguniwa asubudiraña kristiánugu ha inarünitiña.”

¡Despertad! Ǘrüwa-hati

“Wayanuhaña hama wabesinanigu luagu ida liña lan laganwoundun igañi luma wuribani ubouagu. Fureseti hagañidun gürigia. Ka funa san lébunabei katei le? Ka hisaminanbei? [Ígira humá lun hóunabun gürigia.] Ariha huméi ka lan tariñagubei Bíbülia luagu igañi [aliiha huméi Sálumu 37:8]. Afuranguagüda tumuti garüdia to ka lan uagu gíbetimarügü habéi gürigia óunabutiña ítara, ani rutu giñe fiú adundehani luagu ida luba lan wárügüdagun woungua.”