Ayanuha humá luagu ábanrügü tema, gama lumoun arufuda humóun biángubei garüdia
Gíbeti tema súdiniti tidan wani garüdia. Gama lumoun, lubaragiñe wayanuhan luagu saragu tema tidan kada muna, buítimati wayanuhan luagu aban. Ánhawa etenira buidu houn gürigia ani subudi wamuti ka burí lan tema tídanbei garüdia, gayarabei wanúadahan aban tema tidan Garüdia Atalaya o ¡Despertad! le lunti súdinibei lan houn gürigia. Kéiburi ánhawa ariha adibiri, gayarabei wayanuhan luagu somu arütíkulu le ayanuhati luagu ibagari lidan familia. Ani anhein aban lubéi wügüri adaarubalin bena, gayarati wayanuhan lun luagu somu tema le hínsiñeti houn wügüriña, kéiburi turóbuli le ubouagubei luma luagu mégeiwa lan aban arúeihani buiti. Íbini luágurügü lan aban tema wayanuha, lunti wígirunu biángubei garüdia houn gürigia ha hínsiñehabubaña tun.