Gabafutu Lererun Bungiu
1. Kaba liri adamurini lánina weyu espechaliti le lunbei ladügǘn lidan irumu lánina eseriwiduni 2014?
1 Úati ni kata ñǘbuinti hámagiñe gürigia gafigountiña gabafutimati tuéi Bíbülia. Ka uagu? Ladüga líbururügüñoun to gayara tasansiruni ligaburi wasaminarun luma ligaburi wóuserun lun úaragua lan luma lugundan Bungiu. Gama lumoun, wéiriti san tubafu Lererun Bungiu? Ida luba wasagaruni sun buiti le wayaraabei tídangiñe? Ida luba buídutima lan wayusurunu lun wíderagun amu? Lounabúba álügüdahani burí le lidan adamurini lánina weyu espechaliti le lunbei ladügǘniwa lidan irumu lánina eseriwiduni 2014. “Gabafutu Lererun Bungiu” ligíaba liri adamurini le, sagawati lídangiñe Ebüréu 4:12 ani líchuguba saragu dǘgüdaguaü woun.
2. Ka burí álügüdahani lunbei wetenirun lun sunme aniha lan programa?
2 Álügüdahani burí súdiniti. Sunme aünha lan íchiga arigei lun programa, abürüheina huméi lóunabagüle álügüdahani burí le asigirubei.
• Ka uagu lunti lubéi wafiñerun tuagu Lererun Heowá? (Sal. 29:4.)
• Kaba wadüga lun warihini tubafu Lererun Bungiu lidan wabagari? (Sal. 34:8.)
• Ida luba wayusuruni tubafu Lererun Bungiu buidu lidan wani ministeriu? (2 Tim. 3:16, 17.)
• Kaba wadüga luéi leyeedaguniwa ubóu le lábugiñebei lubafu Satanási? (1 Huan 5:19.)
• Nibureinti, kaba íderaguabu lun buidu lan lidin bun lidan beseriwidun lun Bungiu? (Her. 17:7.)
• Kaba íchiga erei woun íbini débili lan wasandiragun woungua? (2 Ko. 12:10.)
• Kaba íderaguawa lun mararamagun lan wasansirun íbini anhein wageindaguña lubéi luma somu échuni luma igaburi le hénrengubei wasansiruni? (Efe. 4:23.)
3. Bóugudin luéi waganbuni programa, ka amu katei gayarabei wadügüni lun wasagarun buiti lídangiñe adamurini lánina weyu espechaliti?
3 Chóuruti wasagaruba lan saragu buiti lídangiñe programa le. Ani gachansinbadiwa giñe —ítara kei gachansin wamá lidan burí adamurini sirkuitu luma distritu— lun wasubudirun amu íbirigu ha lídangiñetiña amu burí damuriguaü luma lun wásügürün lubuidun dan hama (Sal. 133:1-3; 2 Ko. 6:11-13). Ligíati buídubei lubéi lun wasagarun dan lun wadimurehan hama binadu wamadagu ani adüga wagíame iseri umadagu. Ánheinti amisurahóua lubéi aban íchuguti yanu le abisidahati, kéiburi aban óunigiruti distritu o aban íbiri le eseriwiduti betelirugu, buídubei lun wayarafadun abusuragua lun luma tun lani weiriou. Gíbeti resun wama lun wóurabahoun lubá adamurini lánina weyu espechaliti le anitebei.