“Madarirúaati lúbiñe!”

Chóuruti ariñagañaha wamaali lan dimurei le lárigiñe wagiribudun áluahei gürigia le meha arufudubei busén lan lasigirun afurendeira ani madari wamuti. Ka lan yebe lanarimebei wáfaagun, siñá wamuti lila inarüni le meha wábunubei áturagua (1 Ko. 3:6). Ka gayaraabei wadügüni? Añahein íbirigu, ábagubei habürühan gárada lun gürigia o hígirun aban tiraüraü gárada lubá luagu tubenari luban. Añahein amu, kei subudi hamaali lan másiña lan hénrengubei lan hadariruni gürigia danme hagiribudun áluahei, aba hamuriahani linumerun ligagamurun luma. Ariñagatiña kéinaba ítara: “Gayaraabei nabürühan hun luéigiñe gágamuru?”. Tidan ubanaü to ídanboun wasubudiragüdei átiriñein lan dan wásügürün lidan apurichihani, gayaraabei wabürüdüni keisi wagiribuduña bisida aban gürigia, ságüme wapurichihan lun tau gárada, luéigiñe koréu lidan Internet, wabürühan lun luéigiñe gágamuru, wígirun aban tiraüraü gárada lubá luagu tubenari luban o wagúarun lun. Ítarati, gayaraabei wasigirun ínchahei lun lasigirun afurendeira luagu inarüni íbini hénrengu lan ladarirúniwa lúbiñe.