Le gayaraabei wariñaguni tuagu garüdia

Garüdia Awisahatu Nefu-hati-diisi-hati

“Ma inarüni lounwen lan somu waduhe o wamada ábanbei lídangiñe sügǘ le gáritimabei woun lidan wabagari? [Ígira humá lun lóunabun gürigia.] Ariha huméi füramasei gíchigaditi dǘgüdaguaü le ladügübei Bungiu woun. [Aliiha huméi Arufudúni 21:3, 4.] Rutu Bíbülia emenigini woun luagu lachülürüba lan dan lunya habagaridun waduheñu hama wamadagu ha hilaguaañabaña. Afuranguagüda tumuti garüdia to ka lan uagu gayara lubéi wachoururuni lagunfuliruba lan füramasei le.”

Tratadu

“Wederegehañoun tratadu to houn gürigia ha aganóubaña lidan fulasu le. [Derege humá aban tratadu lun gürigia ani adüga huméi álügüdahani le luágubei tidáü lun. Lárigiñe haganbuni lóunabagüle, arufuda huméi óunabagülei le tíchugubei Bíbülia lun ani amisuraha huméi lun laliirunu tratadu danme le gadaani lan.] Ibidiñeti houn saragu gürigia ru tan Bíbülia óunabagülei furanguti lun álügüdahani kéiburi le.” Arufuda huméi fánreinti le ídanbei hamisurahóua gürigia lun hamuriahanu garüdia Uganu buiti lúmagiñeti Bungiu lun gürigia ani ariñaga huméi lun ídaba lan hagiribuda lun hasigirun ayanuha.”