Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan nefu-hati

“Barühaña gürigia saragu irumu álügüdagua houngua, halíañanu funa san hilaaña? Ka asuseredubei woun dan le wóunwegun? Agia hugía, ka hisaminanbei?” Ígira humá lun hóunabun gürigia ani ru humá seremei houn luagu hóunabagüle. Sagá humá aban líburu Kátima san ábame hakutihani páhina 58 párafu 5 luma 6 lábugiñe subtítulu “Kátima san suserebei dan le wounwen?” Aliiha huméi Apurichihati 9:5 ani afuranguagüda huméi. Ariñaga humá houn hagiribuduba lan amu weyu lun hasigirun ayanuha luagu tema le.

Garüdia Atalaya 1 lidan nefu-hati

“Gíbetiña gürigia afiñetiña luagu milaguru, ani añahein amu mafiñetiña. Agia hugía, afiñetün san luagu milaguru? [Ígira humá lun hóunabun gürigia.] Anihein aban füramasei luagu aban milaguru le lunbei lasuseredun ámuñegü le íchugubei emenigini houn saragu [aliiha humá aban lídangiñe bérusu burí le lídanbei páhina 7]. Tidan garüdia to iridúati ǘrüwa resun le adügübei lun mafiñen hamá gürigia luagu milaguru.”

¡Despertad! Nefu-hati

“Gíbetiña gürigia ariñagutiña lagumuchaguba lan ubóu ladüga somu wuribu le ídanbei tayusurúa árüma to hanarimeti tubafu, lau labuguchun aban óunwenbu dübü luagu Ubóu o ladüga lasansiragun ligaburi dan. Lunti san wafiñerun luagu katei le ariñawagúbei luagu lagumuchagüle ubóu, o iyeeni funa sun burí katei le? [Ígira humá lun hóunabun gürigia.] Rutu Bíbülia gurasu woun lau füramasei le [aliiha huméi Sálumu 37:29]. Tidan garüdia to akutihóuati saragu saminaü luáguti lagumuchagüle ubóu ani arufudúati giñe ka lan tarufudahabei Bíbülia luagu le lunbei lasuseredun houn gürigia ámuñegü.”