Le gayaraabei wariñaguni tuagu garüdia
Gumese wamá aturiahani tídangiñe Bíbülia furumiñeti samudi lidan nefu-hati
“Afiñetiña saragu gürigia hawagu ánheligu. Angia huguya, afiñetün giñe san hawagu? [Ígira humá lun lóunabun gürigia.] Sífirigu ánheligu ani wéiriti habafu, gayaraati funa san híderaguniwa? Afuranguagüda tumuti Bíbülia ida liña lan hadügüni.” Ábameti harufuduni arütíkulu le tanagangiñebei Garüdia Atalaya to lánina 1 lidan nefu-hati lun ani akutiha huméi ariñahani le lábugiñebei furumiñeti álügüdahani luma ani aliiha humá íbini ábanrügü lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.
Garüdia Atalaya 1 lidan nefu-hati
“Ida liña harihin lun, gayaraabei funa san laransehóun sun damichi le hadügübei gürigia lun Ubóu? [Ígira humá lun lóunabun gürigia.] Lau sun siñagua hamá gürigia houngua lun haransehani sun le gadei hamaalibei, ariñagatu Bíbülia woun gayara lani Bungiu aranseha ayumaha ligía ladügüni. Chóurugüda tumuti woun ya lidan Sálumu 65:9 [aliiha huméi]. Afuranguagüda tumuti Garüdia Atalaya to ida luba lan lóunigiruni Bungiu Ubóu luma ka lan gayaraabei wadügüni lun gafanran wamá lidan abinirúni le ámuñegü. Hínsiñeti hamuga nun herederun tau lun haliihanu.”
¡Despertad! Nefu-hati
“Wayanuhaña hama gürigia luagu aban turobuli kamaniti. Añahein gürigia mosu hawadigimaridun saragu ani ibidiñeti houn ida luba lan hanurahan luéi saragu lidereniga. Ariñagatiña sásaamu mabuidun lan lawadigimariduniwa saragu ladüga buchagüda lan hawagu gürigia, gádeilei hátuadi luma ligaburi hasandiragun houngua. Kaba funa san íderaguawa asubudirei halíaba lan lébeda wetenirun lun wadagimanu? [Ígira humá lun lóunabun gürigia.] Adügati bérusu tídangiñeti Bíbülia le lun wasaminarun [aliiha huméi Apurichihati 4:6]. Dariwati gádürü adundehani tidan garüdia to libügürü le gayaraabei wadügüni lun watouhani wabagari subudi wamaamugei kábatima lan un wetenira luma ida luba lan wárügüdagun woungua lídangiñe lubucha uagu le lanügübei saragu wadagimanu.”