Aban iseri ídemuei lun wagumeserun yanu hama gürigia

Lúmagiñe eneru, irumu 2016, gumeseti aban iseri seksióun gíriti “Ka tarufudahabei Bíbülia?” áfurida lidan lagumuhóun páhina le tídanbei Garüdia Awisahatu to auboun wapurichiha. Adügǘwati seksióun le lun líderaguniwa agumesera ayanuha hama gürigia. Ítarayuma liña ladügǘn kei ligaburi tadügǘn wani burí tratadu: lau aban álügüdahani lun hóunabuni gürigia según hasaminaruni, aban bérusu tídangiñeti Bíbülia le ídanbei lounabúa álügüdahani ligía luma amu burí ariñahani.

Liibe-agei dan, gumesetiña gürigia aturiahoun Bíbülia lárigiñe layanuhóun hama luagu aban lubuidun tema tídangiñeti Bíbülia. Yusu huméi seksióun le lun híderaguniña gürigia ha wéiribei habusenrun hasubudirun luagu Bungiu (Mat 5:6).

IDA LUBA HAYUSURUNI SEKSIÓUN LE:

1. Amuriaha humá luma gürigia lun lariñaguni hun ka lan lisaminanbei luagu aban lídangiñe álügüdahani le lídanbei seksióun le.

2. Aganba huméi lóunabagüle ani teinki huméi.

3. Aliiha huméi bérusu tídangiñeti Bíbülia le lábugiñebei fánreinti “Le tarufudahabei Bíbülia” ani álügüda huméi ka lan lisaminanbei. Anhein gadaani lubéi gürigia, akutiha humá aban lídangiñe puntu le lábugiñebei fánreinti: “Ka amu katei tarufudahabei Bíbülia?”.

4. Ígira humóun garüdia lun.

5. Ariñaga huméi lun kaba lan weyu hagiribuda lun hakutihani le aban álügüdahani.