Yusu wamóun garüdia Ebelaagülei tun Lererun Bungiu lun wagumeserun yanu hama gürigia
1. Ka amu ídemuei weresibiruboun lun apurichihani?
1 Málügili lúmagiñe weresibirunu iseri garüdia to gíriboun Ebelaagülei tun Lererun Bungiu. Háfuga ariha wamaali anihein lan saragu bérusu tídangiñeti Bíbülia lábugiñe kada tema le tídanbei, ítara kei tidan líburu Razonamiento, ligíati ménrengunbei lubéi tayusurún garüdia to lidan apurichihani. Ida luba wayusurunu lun waranserun lubá wapurichihan?
2. Ida luba wayusurunu garüdia Ebelaagülei tun Lererun Bungiu lidan wani ministeriu?
2 Aban hénpulu, gayaraati hayusuruni álügüdahani númeru 8 lun hariñagun: “Ayanuhaadiwa murusunraü hama hubesinanigu ani arihaadiwa gibe hamá álügüdagutiña houngua anhein Bungiu lubéi gadurunbei luagu wasufurirun. [Anihein fulasu le ídanti buídutima lan hóunabun gürigia anhein arufudúa álügüdahani houn tídangiñe garüdia.] Agia huguya, ka hisaminanbei? [Ígira humá lun lóunabun gürigia.] Rutu Bíbülia óunabagülei furanguti lun álügüdahani le”. Lárigiñe, gayaraati haliihani ani akutiha huguyame aban o lóugiñe aban lídangiñe bérusu le áfuachubei tidan garüdia. Anhein arufuda gürigia busén lan lasigirun afurendeira, arufuda huméi 20 álügüdahani le lídanbei tila garüdia Ebelaagülei lun, ábameti hariñagun lun hagiribuduba lan akutiha aban lídangiñe amu weyu. Gayaraati giñe híchugun aban tídangiñe agumeiraguagüdüni to wayusuruboun lun wíchugun aturiahani lun, ariñaga wagíame lun ru tan lanwoun ariñahani libügürü le uágubei hayanuha.
3. Ida luba wayusurunu iseri garüdia lun wapurichihan houn gürigia ha lídanbaña relihión le mama kristiánu?
3 Gayaraabei líderaguniwa álügüdahani 4, 13 darí 17 lun wapurichihan houn gürigia ha lídanbaña relihión le mama kristiánu. Kei hénpulu, gayaraati hayusuruni álügüdahani 17 lun hariñagun: “Wabisidahañanu iduheñu murusunraü lun wíchugun ídemuei houn. Ma inarüni gagibugua hamá iduheñu luma saragu lénrengunga uguñe weyu? [Ígira humá lun lóunabun gürigia.] Gíbetiña maríeitiña áfaagutiña lun hafalaruni lubuidun adundehani le: ‘Lunti [...] inebe lan túmari würi tun’. [Mama mosu hariñaguni lun gürigia lídangiñe lan Éfesuna 5:33 lasagarúa dimurei burí le. Gama lumoun, anhein hayanuhaña lubéi tuma aban würi buítimabei híriduni le lariñagubei Éfesuna 5:28.] Afiñetün san hu lan adundehani le houn maríeitiña?”
4. Ka gayaraabei hadügüni lárigiñe lagumuchun hayanuhan luma aban gürigia le lídanti aban relihión mama kristiánu?
4 Danme le lagumuchun hayanuhan luma gürigia, ariñaga humá lun hagiribuda lan amu weyu lun hasigirun ayanuha. Danme le hagiribudun, gayaraati hasigirun ayanuha luagu amu bérusu tídangiñeti Bíbülia le lábugiñebei álügüdahani le hakutihabei. Danme le harihini gayaraahali lan, ariñaga humá lun gürigia tídangiñe lan Bíbülia hasagarei lubuidun burí adundehani le uágubei hayanuha. Según tema le uágubei hayanuha, ígira humá aban agumeiraguagüdüni lun to gayaraaboun tínsiñedun lun. (Ariha huméi páhina 3 darí 6 tidan Wani Ministeriu to lánina duusu-hati, irumu 2013.)