Gumeseedün san ayusurei JW Library?

Aban programa tídanti konputadora JW Library le huubei lun tararirawagüdün Bíbülia, agumeiraguagüdüni, bidéu luma burí ariñahani aganbahóuarügüti lidoun gágamuru o tidoun konputadora mafayeihanga.

NLUN HARARIRAGÜDÜNI Belú humá lidoun Internet ábame harariragüdüni JW Library lídangiñe programa le ídangiñebei larariragüdüwa amu burí programa. Adügǘwati programa le lun gayara lan lararirawagüdün lidoun ámuñegueinarügü luwuyeri gágamuru o konputadora. Danme beluhadün lidoun Internet, dará huméi programa JW Library ábanme hanúadiruni le habusenrunbei harariragüdün lidoun higagamurun o tidoun hikonputadoran. Anhein ua lubéi Internet huma, yusu huméi le tídanbei Luban Wadamuridagun, le lídanbei somu párüke o furumiñeguarügü amu fulasu le ñein lumuti lárügüdüwa Internet. Danme le rarigüda humaaru agumeiraguagüdüni, memegeirúnhadünme Internet lun haliihanu, harihinu o haganbahanu. Kei sagü lubéi dan ladügǘña iseri burí katei huuti lidan programa le, mosu harariragüdüni iseri aransehani le adügǘbei lidan kada átiri dan.

KA UAGU HU LUBÉI LARARIRAWAGÜDÜN? Wéiriti lahuudun JW Library lun haturiahan gürigia hábuguarügü luma lun adamuridaguni. Huuti giñe lun lapurichihóuniwa, dántima le mama lan muna tuagun muna.