Yusu humutu san tarüheta lun hebelurun gürigia lidoun jw.org?

Mosu wapurichihan lau lóufudagun lugundun yarafatimahali óunwenbu asufuriruni (Ari 24:11, 12, 20). Lun wíderaguniña gürigia, gayarati wayusurunu tarüheta tuguya to adundehabaliña gürigia tidoun Lererun Bungiu luma lidoun wani páhina lidan Internet. Tidan tarüheta tuguya anihein aban kódigu le anügübaliña gürigia arihei bidéu Ka uagu lunti lubéi haturiahanu Bíbülia? tuma aban amisuragülei lun hamuriahan lanwoun ariñahani o aban külase tídangiñeti Bíbülia. Añahein gürigia mabusenruntiña haliihanu wani agumeiraguagüdüni, gama lumoun busentiña hebelurun lidoun jw.org. Dan le lasuseredun ítara, ru humóun tarüheta houn gürigia hagía. Gama lumoun, míchiga humóun houn ha mínsiñehabubaña lun uganu.

Dan le wóudiña lan lidoun wawadigimari, gayarati wagumeserun aban yanu lau wariñagun houn gürigia: “Hínsiñeti hamuga nun níchugunu tarüheta to hun. Ayanuhatu luagu aban páhina lidan Internet le ñein lubéi gayara lan hadarirun ariñahani luma burí bidéu luáguti sun luwuyerigu tema ani mafayeihanbadün luagu” (Huan 4:7). Kei le ñǘbüri tan tarüheta burí to, gayarati hanügün fiú húmagua súnwandan lun híchugunu houn gürigia danme le hadarirun chansi.