Yusu huméi lagumeseha páhina jw.org lun hapurichiha

Anihein burí ariñahani luma burí bidéu lidan lagumeseha wani páhina jw.org le adügübei lun lachawahaniña gürigia haruma tanigi (Adü 13:48). Hadariruba ariñahani ñein le áfuachubei lidan ñunsu luma burí katei le nidiheridagüdübaliña gürigia.

Ida luba hayusuruni lagumeseha páhina jw.org lun hapurichiha?

• Teni humá lun le áfuachubei lidan wani páhina lidan Internet. Aliiha huméi ariñahani le iseribei ani samina humá ida luba lan hayusuruni lidan hapurichihan (dun humá lidan dimurei “Lun harihin amu” ñeinba hadarirei ariñahani le iserigilitimabei). Líderagubadün fánreinti le lun hasaminarun luagu ámuñegueinarügü igaburi le gayaraabei hayusuruni lidan hani ministeriu!

• Yusu huméi ariñahani luma burí bidéu le lídanbei lagumeseha wani páhina lidan Internet lun wapurichiha. Líderagubadün lun hasubudiruni ka lan adiheridagüdübaliña gürigia.

• Arufuda huméi lagumeseha wani páhina lidan Internet houn gürigia. Ayanuha humá luagu ariñahani le lídanbei wani páhina ani íderagua humaña gürigia lun harufuduni.

• Óunaha humá aban link. Íbini añahein lan gürigia mínsiñeti houn hayanuha wama, hínsiñeti houn hebelurun lidan wani páhina. Ligíati óunaha humá aban link lánina lagumeseha wani páhina, somu ariñahani o aban bidéu.