Ídemuei lun layusurúniwa jw.org
Ligaburi ladarirúniwa ariñahani le meha lídanbei lagumeseha wani páhina
Saragu íbirigu yusu hamuti ariñahani le lídanbei lagumeseha wani páhina lidan jw.org lun hapurichihan. Ménrengunti hásügüragüdüni houn ha únbaña hapurichiha, ani súnwandan hafuranguagüdüni le lan asuseredubei uguñe weyu lagunfuliruña lan profesía le tídanbei Bíbülia. Abürühati aban íbiri: “Buiti ariñahani le lun ligaburi wapurichihan uguñe weyu”.
Kei asansireina liña lubéi ariñahani le lídanbei páhina súnwandan, ka gayaraabei wadügüni lun wadariruni ariñahani le úaalibei ñein?
Anhein lídanñadün lubéi lagumeseha wani páhina jw.org, dun humá lidan dimurei “Lun harihin amu”, hadarirubei iñun luéigiñe óunwenren lidan lagumeseha wani páhina. Lidan higagamurun hadarirubei dimurei le ǘnabu lárigiñe fánreinti “To gayaraaboun hayusurunu”. Lanügübadün lidoun “Ariñahani chóuruti le sun liñabei láfuridun lidan lagumeseha wani páhina”. Ñeinba hadarirei ariñahani le iserigilitimabei.
Lidan JW Library® o lidan jw.org belú humá lidoun “Líburu-agei” ani áluaha humóun “Lísüta lánina ámuñegueinarügü ariñahani”. Ñéingiñeme ábame hadurun lidan “Amu burí tema”. Ñein hadariruba saragu ariñahani le meha fuaalibei lidan lagumeseha wani páhina.