Adundehani Lun Aturiahani
Layusurún fánreinti “Le iseribei”
Fánreinti “Le iseribei” le lídanbei JW Library®, luma le lídanbei jw.org, fuati ariñahani le iseritimagilibei lidan. Ida luba wayusuruni fánreinti le lun wasubudiruni ka lan anügübei fulasu?
Anhein hayusuruñein lubéi JW Library
Sagü láfuachun somu ariñahani le iseri, aba láfuachun lidan fánreinti le gíribei amu burí ariñahani lidan “Le iseribei”, le ñein lubéi gayara lan lararirawagüdün lagumuhóun ariñahani le iseritimabei. Ida lubati hadariruni ariñahani le iseri lun haliihani? Dará huméi fánreinti le gíribei amu burí ariñahani ani anúadira huméi le furumiñeti ariñahani le tídanbei lísüta le áfuachubei según weyu le lafidirún ñein.
Agumeiraguagüdüni to weiritimaaboun kei burí garüdia, gayaraati maliihan wamanu súngubei. Gayaraati wafidirunu lidan “Favoritos” lugundun ítara, ménrenguntimabei hun hadarirunu ani ítarati gayaraabei haliihanu danme le gadaani humá. Danme le lagumuchun haliihanu gayaraabei hagidarunu ñéingiñe.
Anhein hayusuruña lubéi jw.org
Mama sun ariñahani le áfuriduti lun láfuriduba lan lidan JW Library. Anihein ariñahani lídanrügüñein jw.org ladarirúa, kei burí ñunsu luma burí awisahani. Mabulieida huméi harihini kada átiri dan fánreinti le gíribei “Le iseribei” lun haliihani ariñahani le iseritimabei.