Yusu huméi jw.org lun háluahan adundehani huuti

Ru tumuti Lererun Bungiu sun le wemegeirubei woun lun wagagibudagun luma lagumuhóun dan le (2 Ti 3:1, 16, 17). Lau sun lira, anihein burí dan le ídanbei wemegeira adundehani méiniti luagu ítaga katei. Kei hénpulu, mégeitün san ídemuei lun hagüriaruni hisaani? Hasufuriruña san ladüga lounwen hani weiriei o hani weiriou? Anhein nibureingidibu lubéi, lóuchawaguña san bafiñen? Lidan jw.org hadariruba ariñahani lau adundehani tídangiñeti Bíbülia lun sügǘ burí le lúmaya amu (Ari 2:3-6).

Lidan páhina lánina ebelaagülei le lídanbei jw.org, heiba lidoun fánreinti “Le tarufudahabei Lererun Bungiu”, ábameti hanúadirun aban lídangiñe (ariha humóun iyawaü 1). O heiba lidan fánreinti “Líburu-agei”, lárigiñe ábame hidin tidan “Lísüta lánina ámuñegueinarügü ariñahani”, ábameti hanúadirun aban lídangiñe (ariha humóun iyawaü 2). Hadarirubei ligiaméme lidan JW Library^®.a Ka uagu mágurun hubéi agu lun harihini ariñahani burí le ñeinbei? Ábanya katei le gayaraabei hadügüni, háluahani ariñahani le hemegeirubei lidan áluahagülei (áluahouala lidan jw.org).

Bürǘ huméi ariñahani burí le lidan fánreinti áluahouala ani makü huméi ariñahani le habusenrubei haliihan.

• Hadundehóun isaanigu

• Ídemuei houn nibureintiña

• Inarüni luáguti óunweni