Amu burí aturiahani le tídanbei Garüdia Awisahatu
Yusu hamuti saragu íbirigu JW Library® lun haturiahani ariñahani le lunbei lakutihóun lidan adamuridaguni, ani ma hagundan ladüga gayara lan hebelurun lidoun kada aturiahani le tídanbei Garüdia Awisahatu. Liibe-agei dan, anihein burí amu tema le gayaraabei waliihan tidan Garüdia Awisahatu le gayaraabei leseriwidun woun lidan wamadagua luma Bungiu. Chóuruti busén humá haliihani. Ida luba hadariruni?
Lárigiñe kada aturiahani le tídanbei Garüdia Awisahatu, dariwati “Amu burí ariñahani” ani ǘnabu luéi, ñein ladarirúa le ariñagubei “Tila garüdia to”. Anhaün adunra ñein, hadariruba aban lísüta lau burí sun ariñahani le tídanbei garüdia. Amu luéi burí ariñahani le lánina aturiahani le ganumerunbei, harihibei giñe amu burí ariñahani. Anúadira huméi ariñahani o aturiahani le habusenrunbei haliiha ani dun humá luagu.
Gayaraati giñe hidin lidan JW Library lidan fánreinti le gíribei “Le iseribei” ani rarigüda humóun Garüdia Awisahatu to iseritimagiruboun. Dará humóun garüdia to harariragüdüboun ani akutiha humóun lísüta to ñein lubéi ladarirúa ariñahani lun ua lan ni aban erederuti sin haliihani.