Buidutimalá wadügüni katei: Furendei humá ayusurei páhina jw.org

KA UAGU SÚDINI LUBÉI? Sun burí garüdia, líburu luma bidéu le lídanbei fánreinti agumeiraguagüdüni tótima wayusuruboun lun warufudahan, óunahatu lidoun wani páhina jw.org. Le linarün katei, lúntima hounahóuniwa gürigia lidoun wani páhina lidan Internet tadügǘwa dandu tárüheta to wámaboun kei tratadu Halía ladarirúa lóunabagüle álügüdahani le hadügübei gürigia hóuniwagua? Gayaraati wayusuruni páhina jw.org lun wóunahan aban bidéu o garüdia to lídangiñetu fánreinti agumeiraguagüdüni tótima wayusuruboun lun warufudahan luéigiñe Internet lun somu gürigia. Húutimati lira dan le wapurichihaña lan lun aban gürigia le ayanuhati amu iñeñein. Anihein giñe dan mosu lan wíchugun somu óunabagülei le úati tidan garüdia, líburu o bidéu le lídanbei fánreinti agumeiraguagüdüni tótima wayusuruboun lun warufudahan. Anhein subudi lubéi woun ka lan lílabei wani páhina lidan Internet, buídutimabei wayusuruni lidan wapurichihan.

LE LUNBEI LADÜGǗNIWA:

• 

  Yusu huméi fánreinti “ARUFUDAHANI TÍDANGIÑETI BÍBÜLIA”.a Samina humá hapurichihaña lan lun aban úguchili le busenti lanwoun ariñahani libügürü ida luba lan lagüriaruniña lisaanigu. Belú humá lidoun fánreinti ARUFUDAHANI TÍDANGIÑETI BÍBÜLIA > MARÍEI HAMA IDUHEÑU.

• Yusu huméi fánreinti “AGUMEIRAGUAGÜDÜNI”. Samina humá hapurichihaña lan leskuelarugu ani busentün harufudunu garüdia Lóunabagüle 10 hálügüdahan nibureintiña lun aban hupaaná. Belú humá lidoun fánreinti AGUMEIRAGUAGÜDÜNI > LÍBURU BURÍ & GARÜDIA.

• Yusu huméi fánreinti “WAWAGU”. Samina humá hapurichihaña lan lun aban hupaaná lidan wadagimanu le busenti laliihan somu ariñahani luagu le wafiñerubei. Belú humá lidoun fánreinti WAWAGU > ÁLÜGÜDAHANI LE GABÜGÜRÜGUATI LADÜGǗN.

ARIHA HUMÉI BIDÉU FURENDEI HUMÁ AYUSUREI PÁHINA JW.ORG, ANI SAMINA HUMÁ KA LAN LÍDANGIÑE FÁNREINTI LE LÍDANBEI WANI PÁHINA GAYARAABEI LAHUUDUN HUN LIDAN BURÍ SÜGǗ LE:

• Lun hayanuhan luma aban gürigia le mafiñenbei luagu Bungiu.

• Lun híchugun gurasu lun aban gürigia le galamiserunti.

• Lun híderagun somu íbiri le mapurichihánhali madamuridagun.

• Lun hafuranguagüdüni ida liña lan lamainirúniwa wadagimanu lánina apurichihani le wadügübei.

• Lun híderagun somu terencha le busenti lidin adamuridagua danme lagiribudun lageiroun.