Wéiriti san tisudinin Lererun Bungiu hun?

Anihein lisaminan Heowá luma le lariñagubei tidan Bíbülia, le abürügüdübarun líburu sagüráutu to (2 Fe 1:20, 21). Rutu Bíbülia emenigini houn sun gürigia libügürü labuiduruba lan katei ámuñegü dan le tayanuhan luagu ladügüba lan Larúeihan Bungiu lun larihíniwa garicha lan Heowá lun larúeihan. Ayanuhatu giñe Bíbülia woun luagu ínsiñehabuni le larufudubei Heowá, Wáguchi le siélubei (Sal 86:15).

Ámuñegueinarügüti lébuna súdini tan Lererun Bungiu lun kada aban wádangiñe. Arufudatiwa san ítara liña lan lau waliihanu sagü weyu luma lau wáfaagun lun wadügüni le wafurendeirubei lidan wabagari? Mosu warufudun sandí wamani lememe lasandirubei abürühati Sálumu le ariñagubei: “Wéiriti línsiñe barufudahan nun!” (Sal 119:97).

LÁRIGIÑE HARIHINI BIDÉU GEBEGITU BÍBÜLIA HOUN: FÁNREINTI (WILLIAM TYNDALE), ÓUNABA HUMÉI ÁLÜGÜDAHANI BURÍ LE:

• 

  Ka uagu lásügüragüda William Tyndale fánreinti burí tídangiñeti Bíbülia?

• Ka uagu buidu lubéi áfaaguni le ladügübei lun lásügüragüdünu Bíbülia?

• Ida liña tebelaagüdǘniwa fiu tídangiñe Bíbülia to lásügüragüdüboun Tyndale Ingülatéroun?

• Ida luba warufudun súdini tan Lererun Bungiu woun?