Ka wafurendeirubei lídangiñe burí uremu lauti bidéu?

Ka burí uremu hínsiñetimaabei hun lídangiñe JW Broadcasting^®? Ani ka uagu? Afiñetün san arufuda lani bidéu burí lira sügǘ burí le wawinwandubei sagü weyu? Lau burí ámuñegueinarügü luwuyeri uremu luma katei le uágubei layanuha, chóuruti ñeinbei lan aban le hínsiñeti hun. Íbini ítara, mámarügüñein lun líchugun isebáhari woun ladügǘwa uremu burí lauti bidéu le.

Arufudahati kada aban lídangiñe uremu le woun ida luba lan wafalaruni le wafurendeirubei lidan wabagari luma lidan apurichihani. Anihein uremu le ayanuhati luagu weresibirun amu buidu, lidan wamá úarani, wadügün umadagu buítiña, ganigi wamá, hínsiñehabu wamá luma luagu afiñeni. Anihein amu le ayanuhati luagu lagiribudúniwa lun Heowá, gíchigadi wamá ferudun, úaragu wamá luma luagu wáfaagun lun waganwoundagüdüni weseriwidun lun Heowá. Darí lun anihein lan aban uremu luáguti layusurún gágamuru keisi lubudubu. Ka furendei humaalibei lídangiñe uremu burí le?

ARIHA HUMÉI BIDÉU LAUTI UREMU YARAFAALI, ÁBAMETI HÓUNABUNI ÁLÜGÜDAHANI BURÍ LE:

• Ka füramasei uágubei hasaminara feru maríeitiña ha derebuguhañabaña? (Agu 12:3).

• Ka lunbei wadügüni lun wederebudagüdüni wafiñen luagu lagunfulirubei lan Heowá sun le füramase lubéi?

• Kaba burí gürigia warihaya yarafa madise?

• Ida liña líderaguniwa füramasei le lunbei lagunfuliruni Larúeihan Bungiu awandei lénrengunga le úmabei wagagibudagua guentó? (Rom 8:25).