Ka amu gürigia gayaraabei nagunbirahani?

Adügǘwati aban wadagimanu espechaliti sagü irumu lun wagunbirahaniña sun gürigia lidoun Aritaguagülei. Lau sun ibidiñe hamá besafu hádangiñe gürigia ha woun, mosu giñe wagunbirahaniña gürigia ha subudibaña woun. Chóurutimati lachülürüba lan gürigia anhein eresibira aban agunbirahagülei lúmagiñe aban íbiri le subudibei lun (yb08-S páh. 11 pár. 3; páh. 14 pár. 1). Ka burí amu gürigia gayaraabei wagunbirahaniña?

• Waduheñu.

• Wapanaagu leskuelarugu o lidan wadagimanu.

• Wabesinanigu.

• Gürigia ha wabisidahabaña, ha meha únbaña wíchiga aturiahani hama ha úmabaña waturiaha guentó.

Luagu amu oubaü, lunti hagunbirahaniña wéiyaaña lidan afiñeni íbirigu ha mapurichihánhañabaña madamuridagun hagía. Kati gayaraabei hadügüni anhein busén hubéi hagunbirahan aban hasubudirágun le awinwandubei dise huéi? Áluaha huméi halíabei lan ani kaba lan oura ladügǘwa Aritaguagülei le yarafatimabei lun gürigia ligía. Lun lira, gayaraati hidin lidoun fánreinti WAWAGU iñu lun páhina lánina agumeseruni lidan jw.org, lárigiñe bagǘ humá luagu fánreinti “Aritaguagülei”. Lidan aünha lan agurabahei weyu súdinibei le, samina humá hawagu amu gürigia ha gayaraabei hagunbirahaniña ani adüga huméi.