Lagumeseruba tederegehóun amisuragülei lubá Aritaguagülei 22 lidan ǘrüwa-hati
Irumu le, lagumeseruba tederegehóun amisuragülei lubá Aritaguagülei samudi 22 lidan ǘrüwa-hati. Amisurahóuatiwa súngubei lun wídehan lidan wadagimanu le. Danme le warihini gayara lan wadügüni, wederegeruboun amisuragülei úara tuma Garüdia Atalaya tuma ¡Despertad! samudi luma dimaasu. Lidan furumiñeti samudi lidan gádürü-hati, mámaba lun wagumeserun aturiahani tídangiñeti Bíbülia wetenira, lubaragiñe lira, weteniruba ederegehoun amisuragülei houn gürigia. Gama lumoun, ánhawa adarira aban gürigia le wéiriti labusenrun lasigirun afurendeira, gayarabei wáfaagun lun wagumeserun aturiahani tídangiñeti Bíbülia luma. Larihibei íbiri le arihibei lau apurichihani anhein gíbetimabaña lubéi gürigia úntiña tederegerúa amisuragülei anhein adügǘwa aransehani lun lapurichihóun lidan guririguaü. Adüga wamá aban lísüta lau hiri gürigia ha wabusenrubaña wamisurahan hádangiñe waduheñu, wapanaagu leskuelarugu o lidan wadagimanu hama gürigia ha ánharutiña lun uganu buiti dan le wapurichihan houn ani derege wamá aban amisuragülei houn danme lagumeserun wadagimanu lánina tederegehóun. Agurabatiwa hachülürün saragu gürigia wama aritaguei ligaburi larufuduni Heowá luma Hesusu lanarime wínsiñe houn (Huan 3:16; 15:13).