Aban amisurahani furanguti
1. Ídaba lagumesera tederegehóun amisuragülei lubá adamurini ǘrüwati weyu?
1 Lun hamuga wadügüña lan aban éigini semeeti houn wamadagu o houn waduheñu le ídanti wagastara saragu ani áfaagua wagía lun wadügüni, chóuruti lauba lan hamuga ubebeni wamisurahaña. Ítarameme, adügǘwaali giñe saragu áfaaguni lun laransehóun ariñahani lúmagiñeti Bungiu le lunbei lichugún lidan adamurini ǘrüwati weyu le lunbei lanügün fulasu yarafa madise. Ǘrüwa dimaasu lubaragiñe lagumeserun adamurini, líchugubei Heowá lubuidun chansi woun lun wamisurahan amu. Kaba íderaguawa adügei lau ubebeni?
2. Kaba ínchahawa lun wadügüni sun wayaraati lun wídehan lidan tederegehóun amisuragülei lubá adamurini?
2 Ánhawa araramagua asaminara lau geteingiradi luagun sun buiti le lanügübei ariñahani le líchugubei Heowá woun lidan burí adamurini, busenbadiwa wídehan lau ubebeni lidan tederegehóun amisuragülei (Isa. 65:13, 14). Lunti giñe waritaguni sagü lan irumu larihíniwa añahein lan gürigia achülürütiña lidoun adamurini seremei amisuragülei burí to (ariha huméi rekuáduru “Huuti wadagimanu le”). Másiñati ñéinbaña lan achülürütiña lidoun adamurini hádangiñe gürigia ha wamisurahan, gama lumoun ñéinbaña giñe machülütiña. Meberesenga átiribaña lan achülürütiña, libihuba Heowá uéiriguni lídangiñe áfaaguni le wadügübei lidan wadagimanu le ani larufudubei aban lan Bungiu gíchigaditi ligía (Sal. 145:3, 7; Aruf. 22:17).
3. Ida luba wederegerunu amisuragülei?
3 Sétanuba wéiyaaña lidan afiñeni le lídanbei kada damuriguaü ariha lau le gayaraabei ladügǘn lun gíbetima tan amisuragülei afanreinhóutu lidan fulasu le ídanbei hapurichiha lílana damuriguaü, anhein tigirúba lubéi habá gürigia ha madariúnbaña hábiñe o anhein tederegehóuba lubéi lidan guririguaü. Danme le hapurichihan lílana damuriguaü samudi luma dimaasu, hederegeruboun amisuragülei úara tuma Garüdia Atalaya anhein hariha gayara lan hadügüni. Danme súnhali lidaani tederegehóun amisuragülei, gúndaabadiwa lau wasubudiruni ídehaadiwa lan lau ubebeni lidan ani amisuraha wamaniña sun gürigia ha wayaraabaña lun hayabin wama eresibirei ariñahani tídangiñeti Bíbülia le laranserubei Heowá wabá.