Aban amisurahani espechaliti
1. Ídaba lagumesera tederegehóun amisuragülei lubá adamurini distritu luma lubá adamurini houn lílana ámuñegueinarügü ageiraü le lunbei ladügǘniwa lidan irumu 2014?
1 Lun hamuga wadügüña lan aban éigini semeeti houn wamadagu o houn waduheñu le ídanbei wáfaagua saragu lun wadügüni, chóuruti lauba lan hamuga ubebeni wamisurahaña. Ítarameme, adügǘwaali giñe saragu áfaaguni lun laransehóun ariñahani lúmagiñeti Bungiu le lunbei leresibirúniwa lidan adamurini distritu luma adamurini houn lílana ámuñegueinarügü ageiraü le lunbei ladügǘniwa lidan irumu 2014. Gachansinbadiwa lun wamisurahan amu gürigia lidoun adamurini le ǘrüwa dimaasu lubaragiñe lagumeserun. Kaba íderaguawa adügei lau ubebeni?
2. Kaba ínchahawa lun wídehan buidu buidu lidan tederegehóun amisuragülei lubá adamurini?
2 Línchahabadiwa weteingiradi luma wararamagun asaminara luagun sun buiti le lanügübei ariñahani le líchugubei Heowá woun lidan burí adamurini lun wídehan lau ubebeni lidan wadagimanu lánina tederegehóun amisuragülei (Isa. 65:13, 14). Lunti giñe waritaguni ibihúa lan resultóu buiti sagü irumu lídangiñe tederegehóun amisuragülei lubá adamurini. Ñéinbaña hádangiñe gürigia ha wamisurahan achülürütiña lidoun adamurini. Meberesenga átiribaña lan achülürütiña, libihuba Heowá uéiriguni lídangiñe áfaaguni le wadügübei lidan wadagimanu le ani larufudubei aban lan Bungiu gíchigaditi ligía (Sal. 145:3, 7; Aruf. 22:17).
3. Ida luba tederegehóun amisuragülei?
3 Kádaba sétanu wéiyaaña lidan afiñeni desidírei ida luba lan hadüga lun hederegehanu lílana damuriguaü tiibe-agei amisuragülei to hayara, ani anhein tigirúba lubéi habá gürigia ha madarirúnbaña hábiñe o tederegehóuba lan lidan guririguaü. Tederegehóuba amisuragülei úara tuma Garüdia Atalaya tuma ¡Despertad!, anhein hariha gayara lan hadügüni, danme le hapurichihaña lan tau samudi luma dimaasu. Anhein éiguada lidaani tederegehóun amisuragülei lidan furumiñeti samudi lidan aban hati lunti lúntimaaba lan tederegehóun amisuragülei letenirúa lubaragiñe letenirún lun lagumeserúniwa aturiahani tídangiñeti Bíbülia. Danme súnhali lidaani tederegehóun amisuragülei, gúndaabadiwa lau wasubudiruni ídehaadiwa lan lau ubebeni lidan ani amisuraha wamaniña sun gürigia ha wayaraabaña lun hayabin úara wama eresibirei ariñahani tídangiñeti Bíbülia le líchugubei Heowá woun, le ítarabei woun kei éigini semeeti.