Hínsiñeti hamuga san hun heseriwidun kei prekursoru ídehati lidan ǘrüwa-hati o gádürü-hati?

Hínsiñeti hamuga san hun haganwoundagüdüni heseriwidun lun Heowá lidan lidaani Aritaguagülei? (2 Ko 5:14, 15). Lidan ǘrüwa-hati luma gádürü-hati, gayaraabei hapurichihan prekursorugu ídehatiña 30 o 50 oura lidan hati. Anhein gayara lubéi heseriwidun kei prekursoru ídehati, buíngüda humá gárada ani ábame hederegerunu houn lílana Sétanu hani Wéiyaaña ha Arihibaña lau Damuriguaü. Lidan biángubei hati ligía, lichugúba awisahani lidan damuriguaü hawagu ha eseriwidubaña kei prekursorugu ídehatiña, gayara láamuga híchuguni sun íbirigu hídehan houn. Adüga waméi sun wayaraati lun wabuiduragüdüni ligaburi wapurichihan luma lun wíchugun dǘgüdaguaü wóuniwagua lidan lidaani Aritaguagülei (1 Te 5:11).