Lau wáfaagun lun buídutima lan wayusurun hénpulu

Dan le wagiribudun abisidahaña gürigia o dan le wíchugun aturiahani, lunti wíderaguniña lun gunfuranda hamani saminaü súdiniti. Ánhawa ayusura burí hénpulu, wachülürüba tidoun hanigi ani haritagubei le hafurendeirubei.

Danme le aünha lan aransera lubá hagiribudun abisidahaña gürigia o lubá híchugun somu aturiahani anúadira humá fiu puntu súdiniti lárigiñemeti ábame hanúadirun hénpulu le ménrenguntimabei gunfurandawa lan le luáguti le asuseredubei lidan ibagari (Mt 5:14-16; Mr 2:21; Lk 14:7-11). Gabaroun waméi le subudi hamaalibei gürigia luma le gádanbaliña (Lk 5:2-11; Hn 4:7-15). Gúndaabadün danme harihini ladunrangun lagu gürigia ladüga gunfuranda laali lan somu arufudahani.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU, LAU WÁFAAGUN LUN BUÍDUTIMA LAN WAYUSURUN HÉNPULU, ÓUNABA HUMÉI ÁLÜGÜDAHANI BURÍ LE:

• Ka uagu másiñati lubéi mégeibaña lan gürigia ídemuei lun gunfuranda hamani bérusu tídangiñe Bíbülia?

• Ka hénpulu tíchugubei Neta lun tafuranguagüdüni Rómana 5:12?

• Ida liña lídehan aban hénpulu le buiti?

• Ka uagu lunti lubéi wayusurun bidéu tuma amu burí agumeiraguagüdüni to lánina arufudahani to tani lóundarun