Anha wamá lun ídemuei le líchugubei Heowá lau wafurieidun

Heowá adügübei lun labouchun inarüni, galagüle lan ani weiri ligía tidan hanigi gürigia (1 Ko 3:6-9). Ligíati, anhein busén wabéi lun buidu lan lidin woun lidan wani ministeriu, lunti wafiñerun líderagubadiwa lan Heowá ani íderagua láñame ha aturiahabarun Bíbülia úara wamá.

Amuriaha humá luma Heowá lun líderaguniña ha aturiahabaña huma lun hawanduni lénrengunga le lánina ibagari luma lun hiñuragun lídangiñe (Fili 1:9, 10). Amuriaha humá lun ladundehanün sífiri sandu lidan sun le hisaminanbei luma lidan le hadügübei (Lk 11:13). Arufudaha humá houn aturiahatiña huma ida luba lan hafurieidun ani ínchaha humaña lun hadügüni. Furíei humá hama ani furíei humá wawagu lau híriduni hiri.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGÜN DISIPULUGU, LAU WÁNHARUN LUN ÍDEMUEI LE LÍCHUGUBEI HEOWÁ: FURÍEI, ÓUNABA HUMÉI ÁLÜGÜDAHANI LE:

• Ka sügǘ úmabei tagagibudagua Neta dan le tíchugubei aturiahani tun Nirisin?

• Ida liña líderagunu 1 Korintuna 3:6 Neta?

• Ida liña laranserun turobuli?