Íderagua humaña aturiahatiña lun hígiruni luriban échuni

Lun gamadagua hamá aturiahatiña luma Heowá, mosu hígiruni luriban échuni (1 Fe 1:14-16). Anhein hígira luriban échuni, másiñati labuiduruba lan habagari kei iduheñu luma hátuadi ani mewesirun hamaalime haseinsun.

Ariñaga huméi furangu houn ha aturiahabaña huma ka lan lilurudunbei Heowá, ka lan uagu líchigei burí lúrudu le ani kaba lan buiti wasagara anhein wafalara. Anhein hasansira aturiahatiña ligaburi hasaminan, gayaraabei giñe hadügüni le lagurabubei Heowá hámagiñe (Efe 4:22-24). Chóurugüda huméi lun aturiahati gayaraabei lan líderaguni Heowá lun lígirun furumiñeguarügü luriban échuni ka lan yebe weiri lan léchudun luagu (Fili 4:13). Arufudaha humá lun aturiahati lunti lan láluahan ídemuei luma Heowá lau lóufudagun danme le lasandirun busén lan lafigouhan. Íderagua humaña aturiahatiña lun hasubudiruni ka lan burí katei gayaraabei ladügün lun hábürühan lidoun figóu ani ínchaha humaña lun hasansiruni luriban burí échuni luagu burí katei le gayaraabei lanügün saragu buiti houn. Ani gúndaabadün danme le harihini hadügüña lan hánigu aturiahatiña asansiruni lau lídehan Heowá.

LÁRIGIÑE HARIHINI BIDÉU ÍDERAGUA HUMAÑA ATURIAHATIÑA LUN HÍGIRUNI ÉCHUNI LE MÍNSIÑEBEI LUN HEOWÁ, ÓUNABA HUMÉI ÁLÜGÜDAHANI BURÍ LE:

• 

  Ida liña hóunabun wéiyaaña lidan afiñeni tuma Neta dan le tariñagunbei Nirisin houn agumulaha tan sagadi?

• 

  Ka tadügübei Neta lun tíderagunu Nirisin?

• 

  Ka tadügübei Nirisin lun líderagunu Heowá?