Íderagua humaña aturiahatiña adüga umadaguaü luma Heowá

Busenti Heowá lun weseriwidun lun ladüga hínsiñe lan woun (Mt 22:37, 38). Ínsiñeni lun Bungiu, ligíaba íchiga erei houn aturiahatiña lun hadügün asansiruni lidan habagari luma lun hiñuragun lídangiñe lénrengunga, ligíaba giñe ínchahaña lun habadiseirun (1 Hn 5:3).

Íderagua humaña gürigia ha únbaña híchiga aturiahani lun gunfuranda hamani hínsiñe hamá lun Heowá. Adüga humá álügüdahani kéiburi le houn: “Ka larufudahabei katei le hun luagu Bungiu?” o “Ida liña larufuduni katei le hun hínsiñe humá lun Heowá?”. Áfaagua humá lun híderaguniña arihei ida liña lan líderaguniña Heowá lidan habagari (2 Kr 16:9). Abahüdagua humá somu sügǘ houn luagu ida liña lan lóunabuni Heowá hafurieidun ani íderagua humaña etenira lun ida liña lan lóunabuniña Bungiu. Maame hugundan danme le harihini gamadaguaaña lan hánigu aturiahatiña luma Heowá ani hínsiñegua hamá hámagua!

LÁRIGIÑE HARIHINI BIDÉU ÍDERAGUA HUMAÑA ATURIAHATIÑA ADÜGA UMADAGUAÜ LUMA HEOWÁ, ÓUNABA HUMÉI ÁLÜGÜDAHANI BURÍ LE:

• 

  Ka lénrengunga úmabei tadunragua Nirisin?

• 

  Ka tadügübei Neta lun tíderagunu?

• 

  Ka tadügübei Nirisin lun tiñuragun lídangiñe lénrengunga le?