Yusu huméi álügüdahani buidu

Busenti Heowá, “Bungiu le gúndaabei”, lun gunda wamá lidan apurichihani (1 Ti 1:11, TNM). Gúndaatimabadiwa lidan apurichihani ánhawa abuiduragüdei ligaburi wapurichihan. Huuti álügüdahani lun wagumeserun ayanuha hama gürigia ani gayaraati ladügün lun busén hamá haganbuniwa. Íderagua lumutiña giñe álügüdahani gürigia lun hasaminarun (Mt 22:41-45). Ánhawa adüga álügüdahani lun gürigia, ru wagíame arigei lun óunabagülei le líchugubei woun, ítara liña lira kéigubeirügü wariñaguña lan lun le lan lúgubu berese wamá lau (Snt 1:19). Líderagubadiwa giñe óunabagülei le ichugúbei woun lun wasubudiruni kaba lan wariñaga lárigiñe.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU LAU WÁFAAGUN LUN BUÍDUTIMA LAN WADÜGÜN ÁLÜGÜDAHANI, ÓUNABA HUMÉI ÁLÜGÜDAHANI BURÍ LE:

• Ka lubuidun igaburi tarufudubei Nirisin?

• Ka álügüdahani tadügübei Neta tun Nirisin lun tarufuduni berese tan tau?

• Ka álügüdahani tadügübei Neta lun busén tan Nirisin tafurendeiruni luagu uganu buiti luáguti Larúeihan Bungiu?

• Ka álügüdahani tadügübei Neta tun Nirisin lun tíderagunu asaminara?